Littérature dialectale d'aujourd'hui

Li ptite coleccion del SLLW, ki s' no, e francès, c' est : Littérature dialectale d'aujourd'hui, c' est ene coleccion d' lives e walon eplaideye di l' SLLW dispu 1976.

Mwaissès piceures candjî

C' est todi des belès-letes, et il est reki ki les tecses soeyexhe sicrîts e sistinme Feller, avou on metou accint do walon. Portant, sacwants lives sont dedja scrîts avou des rfondants walons (L. Hendschel, C. Denis). Et a pårti do limero 43, on n' raloye pus on scrît a on metou stroet diyaleke.

Gn a des ramexhnêyes d' arimés, des ptits romans, et des pîces di teyåte. Et minme des pinsêyes. Bråmint des lives sont-st e walon, mins end a eto e gåmès ey e picård.

C' est ene pitite cogne di lives (140 x 190), did la, li no corant del coleccion.

Tot on tins, gn è moussa foû disk' a troes lives so ene anêye. Mins dispu 2000, end a bråmint moens.

Normåldimint, on scrijheu n' est publiyî k' on côp. Mins Josée Spinosa-Mathot, Albert Maquet, Robert Vandamme eyet Bernard Louis l' ont stî deus côps, et Emile Gilliard troes feyes.

Les tites k' ont moussî foû candjî