Lès têres dau Bon Diè (roman)
Les teres då Bon Diè
Lès têres dau Bon Diè (Les teres då Bon Diè), c' est on roman e walon sicrît pa André Henin.
Il a stî eplaidî e 1980 dins l' Pitite coleccion del SLLW.
E 2024, il fourit redité todi pal SLLW, avou on ratournaedje e francès vizon vizu, fwait pa Bernard Louis (ISBN 978-2-930505-41-1).
Tinme
candjîLi mwaisse persounaedje, c' est Matî (Matieû), k' est prof a Florefe.
I provént di Han-so-Lesse, mins l' viyaedje n' est cité avou s' vraiy no k' e l' pådje 127 (del 2inme edicion). C' est la ki, cwand esteut djonne, i håbitéve ene famile di «Bruslers», et djouwer avou les efants. Li pus ptite maraye, sipotêye «Purnale», aveut dit, cwand i lzî aveut-st anoncî k' il s' aléve fé curé: «Adon, dji n' mi sårè maryî avou vos».
A Florefe, si grand camaeråde, På Crahai — c' est on curé come lu — est foirt rouf-rouf, et ene miete rediveu.
On djoû, end a s' sô d' esse todi avou des scolîs, et dimande po-z awè ene pårotche. On l' evoye å viyaedje a Liniére, on forveyou viyaedje inte Nameur et Brussele.
På Crahai, lu, end a ossu s' sô di scoler les roufions, et vout fé des studes a l' univ di Lovén. C' est la ki l' nuk di l' istwere si va emantchî.
Adon, ci sereut co bén grandmint otobiyografike. Gn a djusse ki l' fén k' est diferinne, la k' i finixha doyén a Djiblou.
Esplikêyes do tite
candjîI shût l' boket di l' evandjîle sint Luk ki dit:
Li ci k' apice l' eraire et waitî e-n erî, i n' convént nén po tcherwer les teres då Bon Diè[1]
C' est ç' boket la ki sieve d' adrovaedje å live.
Li mwaisse tecse grek, ratourné e walon mot po mot, finit pa … «li rweyåme do Bon Diu» come dins l' ratournaedje da Jean-Marie Lecomte
Li ci ki met l' mwin a l' eraire, et ki rlouke padrî lu, n' est nén fwait po li Rweyåme do Bon Diu[2]
Ên ôte evandjilî dit: «li rweyåme do cir».
Dedja vaici, on voet bén li finesse da André Henin come redjårbeu, k' inme ostant do mete ene imådje pus près do toledjoû des djins.
Avou ça ki s' filozofeye come esplikeu do messaedje di Djezu-Cri, c' est ki l' Paradis, ça cmince dedja sol tere.[3]
Sourdants
candjî- ↑ Luk, IX, 62.
- ↑ lijhåve cial
- ↑ Joseph Dewez, spitch al djournêye di memwere a André Henin, å radjoû coinrece del SLLW a Djiblou, 5 d' octôbe 2024.