Bernard Louis

(2008)

Bernard Louis, ' est on scrijheu e walon k' a skepyî li 3 d' fevrî 1947 a Nametche.

Di s' mestî, il esteut prof di latén-grek.

Vicåreye et ouves e walon

Il a shû les cours di walon ås Relîs Namurwès e 1992. Il atake do côp avou des ptits bokets ki seront-st eplaidîs dins les Cayés Walons a cmincî di 1995.

Il prindeut pårt eto ås copinreyes come li Soce des rcåzeus del Basse Årdene a Bietris. Did la i mousrè al Rantoele, et-z î esse penleu èn an å lon (1999). I va eto ås raploûs des "Walons Scrijheus d' après l' Ban-Bwès" (di 1998 disk' al fén del soce e 2005). Il fourit ossu administrateur å Coirneu a Hu.

Costé teyåte, i va renonder li dramatike "Les Falijhes" a Nametche (2003).

Dispu l' moes d' djanvî 2003, il cåze dins l' posse a l' emission radio e walon "eshonne" (èchone) a "Cyclone RCF" (98.7 FM a Nameur), ki rpasse so les fyis a "Radio Musicadeon" dispu 2006.

e 2008, al bate di dvize do CLRE al fôre di Brussele

Il a stî publiyî dins l' pitite coleccion del SLLW : Tot fiant betchî l' coq, ene ramexhnêye di noveles (2003).

E 2010, il est rçû al SLLW. Dispu 2 ans, aveut rarindjî Pa totès stroetès voyes da Auguste Laloux ki rexhrè come live li minme anêye.

I ratoûnrè sacwants lives d' imådjes e walon, come «Miyin et Morice», ou co «Li nute divant l' Noyé», Li ptit prince; adon pwis, Les aviretes d' Alice.

E 2013, i rprind l' sicretariat des Relîs namurwès et esse lomé prezidint di l' SLLW; il î dmorrè disk' e 2019.

Todi e 2013, i boute so on live di totes les ouves da André Henin.

E 2019, i ratoûne e walon èn imådjî (mes 1000 prumîs mots d' walon).

Hårdêyes difoûtrinnes

• Pådje avou sacwants d' ses scrijhaedjes (so l' Aberteke)
• Ôte pådje (avou l' accint d' Nametche, (sol waibe "Li walon d' emon nozôtes")
• Fåve e walon sol waibe Lowlands
• (fr) Biyobibiografeye (e francès, sol waibe del SLLW)
• Si pådje so ene Rantoele di soçnaedje (Fesbok)
• Prezintaedje d' on ratournaedje e walon (do Ptit Prince)