Mwaisse pådje

Wilicom sol coxhe walon-cåzante do Wikipedia
…ki c' est ene libe eciclopedeye, dinêye po rén, k’ on pout tertos recråxhî.
Nos estans li vénrdi 17 di may 2024 ey i gn a 12 337 årtikes.

Gråces a tertotes ey a tertos !

Årtike do moes
Gotye, tins d' on concert.

Gotye, d' ès vraiy no « Wouter De Backer », c' est on tchanteu, muzicyin ey on compôzeu d' muzike. Ci tchanteu ci est a mitan bedje ey a mitan ostralyin. Il a skepyî li 21 di may 1980, a Brudje.

Gotye, c' est èn escrijhaedje fonetike spontané do ptit no francès-cåzant : Gauthier. Come di djusse, sapinse a lu, Gauthier si prononce dinsi e-n inglès. Houte di çoula, Wouter, c' est l' varyisté neyerlandès-cåzante di « Gotye ». Dins li vraiye veye, on li spote pacô « Wally ».

Minme s' il a nexhou a Brudje, il aveut baguî e-n Ostraleye, cwand il ît deus ans vî. Il a dmoré ene miete a Sydney, pus il a bagué do costé d' Melbourne.

Il a todî djouwé del muzike voltî, tot-z estant gamén. La k' il a-st aprindou a djouwer diferints instrumints. Inte di zels, on-z ertrouve li piyano ey el batreye.

Tins d' ès laidådje, i djouwéve dedja dins ene binde novice avou ses camaerådes d' escole. Ci binde la s' loméve : « Downstares ». C' est laddé k' il a cmincî s' cårire, e 2002.

Avou ses oridjenes flamindes eyet des bokets d' ès famile ki vicnut laddé, il etind bén l' neyerlandès. Tolminme k' il a deur po l' cåzer. Il l' aprind timpesse gråce a des binde d' imådjes ki lét voltî.

Lére l' årtike

Prezintaedje do Wikipedia
Çoucial, c' est l' eciclopedeye Wikipedia e walon, k' a-st ataké e 2003.

Si vos vloz rbouter avou nozôtes, c' est foirt åjhey : vos fåt djusse clitchî so les loyéns et vs mete a scrire des noveas årtikes ou coridjî, ubén ecråxhî les cis k' i gn a ddja.

Po pus di racsegnes so çou k' est Wikipedia, sol manire di scrire les årtikes, et tchik et tchak. Vos ploz pol moumint aler lére les pådjes d' aidance des wikipedias francès eyet inglès ; vos ploz ratourner ces pådjes d' aidance rola eto, si vos l' voloz bén. Tapez ossu èn ouy so les esplikêyes di cmint candjî ene pådje oudonbén léjhoz l' FAQ. Si vos vloz fé des sayes po vey kimint k' ça rote, alez vaici. Vos ploz bén seur sicrire so ttafwait; mins nos nos rafiyans di håyner tot des hagnons k' ont-st a vey avou l' Walonreye ou l' walon. Li contnou di Wikipedia est dizo l' Licince di Libe Documintåcion di GNU : dj' ô bén k' il est libe eyet l' serè po todi ! Po pus di racsegnes, léjhoz l' pådje so les abondroets.


Vos vôrîz k' èn årtike so on sudjet dné soeye askepyî abeymint ? Vos n' av' k' a dmander.


El savîz ?
  1. Li 27 di setimbe, c' est l' fiesse del Federåcion Walonreye-Brussele, mins nén el ci del Redjon walone. Come di djusse, ès fiesse, c' est li troejhinme dimegne d' setimbe.
  2. Li 15 di setimbe, c' est li djoû avou l' pus d' nexhances so l' anêye, el Beldjike. Houte di çoula, el moes d' setimbe, c' est l' deujhinme moes avou l' pus d' nexhances, djusse dirî el moes d' djulete.
  3. C' est-est espaitchî, po les omes, d' intrer dins l' pårlumint walon avou ene chôte. Totfeye, les omes polnut intrer didins avou ene cote.
  4. C' est possibe di fé do laecea avou del tchene.
  5. Li mot « scole » vént do vî grek « σχολή », ki vout dire fouzeure.
Ôtes pordjets wikimedia e walon
Wiccionaire
Wiccionaire
Wikisourd
Wikisourd
Wikisourd
Bibioteke
Lére dins èn ôte lingaedje