Drovi l' mwaisse menu

Wiktionary-logo.svg

Po des linwincieusès racsegnes sol mot "scole", alez s' vey sol Wiccionaire

Ancyinne sicole di viyaedje
viye sicole et l' preyea
Scole e walon so les usteyes do bokion
blanc tåvlea, avou ene pitite luçon e walon

Ene sicole u ene escole[1], c' est la ki des efants (u pacô des grandès djins) aprindèt a lére et a scrire; adon-pwis totès sôres di sacwès po trover on mestî.

MotlîCandjî

E walon, on dit k' on va a scole; mins k' on est e scole.[2] Insi, on djåze do «walon e scole».

Po dire ki les lçons sont fineyes, on dit voltî: «li scole èst foû».

Les cis k' î sont po-z aprinde si lomnut les scolîs et scolresses; eto : les eleves.

Divant d' aler al vraiye escole, les efants vont co sovint al pitite sicole ou scole gårdyinne, sovint tnowe pa ene damjhele di scole, mins dinltins eto, sovint pa des beguenes.

Ene sicole est tnowe pa on mwaisse di scole (ou dame di scole), ki dene (ou purade dinéve) des lçons dins totes les brantches.

On dit k' i dnèt u dinnut scole; udon-bén, k' i fjhèt u fwaiynut scole.

Les sacwès a-z î aprinde si lomnut des lçons.

Dins les grandès scoles (sigondaire) et les hôtès scoles (après-sgondaire), on djåze purade di cours ki sont dnés pa des professeurs, tchaeke po ene metowe coxhe d' acsegnmint.

Ahesses di scoleCandjî

Escole è BeldjikeCandjî

Federåcion Walonreye-BrusseleCandjî

L' escole Bedjes ey francès-cåzantes sont mamborné pål Federåcion Walonreye-Brussele. L' escole est obligatwere po les efants eyet les ados ki ont etur shijh ey dijh-ût ans. El obligatwere acsegnmint est distroclé è trwe. I gn' a :

  • Gårdyinne scole (2,5 ans disk' a 6 ans)

El gårdyinne scole est el seule scole ki est nén obligatwere. I gn' a cwatre anêyes.

  • Acmoisse anêye (2,5 => 3 ans)
    • Prumire anêye (3 => 4 ans)
    • Deujhinme anêye (4 => 5 ans)
    • Troejhinme anêye (5 => 6 ans)
  • Grandès scole (6 ans disk' a 12 ans)
    • Prumire anêye (6 => 7 ans)
    • Deujhinme anêye (7 => 8 ans)
    • Troejhinme anêye (8 => 9 ans)
    • Cwatrinme anêye (9 => 10 ans)
    • Cénkinme anêye (10 => 11 ans)
    • Shijhinme anêye (11 => 12 ans)
  • Sigondaire scole (12 ans disk' a 18 ans/19 ans)
    • Anêye
      • Prumire anêye (12 => 13 ans)
      • Deujhinme anêye (13 => 14 ans)
      • Troejhinme anêye (14 => 15 ans)
      • Cwatrinme anêye (15 => 16 ans)
      • Cénkinme anêye (16 => 17 ans)
      • Shijhinme anêye (17 => 18 ans)
      • Setinme anêye (18 => 19 ans)
    • Tipe d' acseignmint (è prumire et deujhinme anêye, i gn' a deus tipes d'acseignmint. Mins néren, del troejhinme disk' a 'l shijhinme, i gn' a cwate tipes)
      • El djenerå (acseignmint do trinzucion - 1ire disk' a 6inme)
      • El profecionel (acseignmint do cwalificacion - 1ire disk' a 6inme u 7inme)
      • El tecnike (acseignmint do cwalificacion u do trinzucion - 3inme disk' a 6inme u 7inme)
      • El årtistike (3inme disk' a 6inme)

Hårdêyes divintrinnesCandjî

SourdantsCandjî

  1. do latén «scola», lu-minme do vî grek (skholê)
  2. FG1 a "à"