Franwal Walo +

Li Motî walo +, di s' vraiy tite Walo + Mes troes meye prumîs mots walons (Mès twès mile preumîs mots walons, Mès trwès mile prumîs mots walons, Mès treûs meye prumîs mots walons), c' on motî franwal adjinçné pa Lorint Hendschel po l' UCW, avou toplin des aidances.

Coviete

Li live a rexhou e 1992 et pout esse riwaitî come on fel apas po l' avançmint do pordjet di rfondaedje do walon. L' adrovaedje est scrît pa Willy Bal et pa Jean Germain.

Il est rahoukî sol limero [FG1], aprume po l' boutaedje e Wiccionaire.

Contnou

Come si tite el dit, c' est l' ratournaedje di 3000 mots francès corant. Les mots walons metou djondants sont e scrijha Feller po les accints do Levant, do Mitan eyet do Coûtchant.

Walo + eyet rfondaedje

Li Walo + a ddja des atuzes ki seront rprinjhes pa li rfondou :

• po li scrijhaedje do son K
• po li scrijhaedjes des longs O :
  • "å" ou "au" pol foninme ki va esse rifondou avou l' betchfessî å (et dabôrd, måy sicrire "ô" po ces mots la.
  • "ô" fok po pol foninme ki va esse rifondou avou l' betchfessî ô et ki s' pronoce "ô" (/oː/, "oû" /uː/ ou "on" /ɔ̃/ dins les accints do walon.

Hårdêye difoûtrinne

• Tot l' motî so on waibe-blok