Vôtaedjes federås del Beldjike di 2024
Les vôtaedjes federås del Beldjike di 2024, c' est des vôtaedjes k' ont stî metous so pî li 9 di djun 2024. C' esteut l' minme djoû k' les vôtaedjes redjonås eyet les vôtaedjes po l' Union Uropeyinne.
I shuvént les cis di 2019. Come di djusse, puski les vôtaedjes federås del Beldjike si passèt tos les cénk ans, normåldimint.
Ploncaedjes
candjîTot rwaitant les ploncaedjes, on veyeut, e l' Flande, k' el Vlaams Belang aléve passer prumî dvant l' N-VA. Adon-après, on veyeut eto Vooruit al troejhinme plaece, shuvou på CD&V. Al fén, l' Open VLD, li PBB eyet li Groen estént spepieuzmint pus bas.
Do costé del redjon del mwaisse-veye, les ploncaedjes veyént l' MR lon dvant tertot. Après zels, c' esteut l' PBB. Ås troejhinme eyet cwatrinme plaeces, c' esteut l' PS eyet l' Ecolo. Ene miete pus bas, on-z ertrouvéve el DeFI avou l' pårti « Les Egadjîs ». Å fond do clasmint, gn aveut cåzumint k' des pårtis neyerlandès-djåzants.
E l' Waloneye, el tiesse esteut po l' PS, avou l' MR djusse padrî. Epwis, todi sorlon les ploncaedjes, c' esteut Les Egadjîs, poy el PBB. Al fén, on-z ertrouvéve l' Ecolo eyet DeFI.
Pårtis
candjîErzultats
candjîDistriks
candjîÅ livea des distriks, on ndè conte 11 : 10 provinces eyet Brussele. Dins les cénk provinces al Bijhe do payis, l' N-VA est prumî tot djusse cåzumint tocosté. Åré å Limbork, ewou çki c' est li Vlaams Belang k' est dvant les ôtes mouvmints politikes. Les cis k' ont wangnî a Brussele, c' est l' famile des liberås, foiravant avou l' MR. El Waloneye, li Mouvmint Rifômrece est dvant tertot dins l' Roman Payis ey a Lidje. Les Egadjîs pasnut dvant å Lussimbork bedje ey a Nameur, dabôrd k' el Pårti Socialisse dimeure prumî å Hinnot.
Cantons
candjîDo costé des cantons, on pout vir k' e Flande, les deus grands wangnants sont l' N-VA eyet li Vlaams Belang. Mins nerén, a Gant, c' est li Groen k' a passé prumî. Avou ça k' dins l' canton di Horebeke, c' est l' Open VLD k' est dvant tertot. Dins l' redjon brusselwesse, a Bijhe, li victwere rivént åzès socialisses, tins k' elle ervént åzès liberås, a Nonne. Totfeye, li PBB a batou tertot dins l' canton d' Anderlek. Infén, el Waloneye est cparteye inte l' MR eyet li mouvmint Les Egadjîs. Li foû-rîle dimeure, aprume, do costé di sacwantès grandès comenes : Tornè, Mont, Tchålerwè eyet Lidje. Låvå, c' est todi l' Pårti Socialisse k' a wangnî.[2]
Govienmint
candjîLi govienmint De Croo I pout esse rifwait, avou 76 sidjes so 150. Djans, djusse çou ki fåt po mete so pî on govienmint. Adon, on deujhinme govienmint Vivaldi sreut moins foirt, veyanmint k' eshonne les pårtis ont pierdou des plaeces.[3] Sacwants mouvmints ont ddja tchoezî d' aler dins l' opôzucion å pårlumint federå: : li PS, li Groen eyet l' Open VLD.[4][5][6]
Li rwè Flipe a lomé Bart De Wever come infôrmateu, afén s' di fé on govienmint.[7] A l' atake, ça dveut durer ene samwinne. Epwis, l' mission a stî prolondjeye. Al fén del prumire setinne di djoûs, i gn aveut ddja l' idêye d' askepyî on govienmint « Arizona ». Dj' ô bén avou les troes des troes pårtis wangnants el Flande: l' N-VA, l' Vooruit ey el CD&V ey avou les deus pus grands pårtis walons des vôtaedjes redjonås: l' MR eyet l' mouvmint Les Egadjîs».[8]
Hårdêyes divintrinnes
candjî.svg){kind=link}
Referinces eyet sourdants
candjî- ↑ https://elections.fgov.be/sites/2024.elections.fgov.be/files/inline-files/Sigles%20prot%C3%A9g%C3%A9s.pdf
- ↑ https://www.lesoir.be/594044/article/2024-06-10/elections-2024-decouvrez-les-resultats-definitifs-par-canton-infographie
- ↑ https://www.rtl.be/actu/belgique/politique/grand-barometre-le-gouvernement-actuel-pourrait-etre-reconduit-mais-il-aurait/2023-06-10/article/557677
- ↑ https://www.rtbf.be/article/elections-2024-le-ps-fait-le-choix-de-l-opposition-a-tous-les-niveaux-de-pouvoir-11387131
- ↑ https://www.gva.be/cnt/dmf20240612_92956010
- ↑ https://www.nieuwsblad.be/cnt/dmf20240611_96861369
- ↑ https://www.vrt.be/vrtnws/nl/2024/06/12/bart-de-wever-premier-informateur-vlaams-federaal/
- ↑ https://bx1.be/dossiers/9juin-2024/la-mission-dinformateur-de-bart-de-wever-prolongee/