Mont

Pol discramiaedje des årtikes avou l' mot « Mont », loukîz cial.

Li Grand Mont (fr: Mons, nl: Bergen), c' est ene veye del Walonreye, e payis picård, k' est ossu l' mwaisse veye del province do Hinnot.

Mont
Mons

(Detays) (Detays)
Eplaeçmint del comene dins l' province
Lingaedje oficir	Francès
Lingaedje coinrece	Borén Rouchi (variantès do Picård)
No dès dimorants	?
Borguimwaisse	Nicolas Martin
Eplaeçmint	- Arondixhmint di Mont - Province do Hinnot - Walonreye - Beldjike
Sitindêye	147,73 km²
Peuplåcion (asteure)	+/- 95.299 dimorants
Dinsité (asteure)	$95299\div 147.73=645.09$ dimorants/km²
Coisse d' eure	ECG (ECG+1) / CEST (UTC+2)
Ime	Pont d' ime pol veye di Mont
Preficse telefonike	(+32) 065

I gn a eto ds ôtès plaeces lomêyes Mont.

• Hôteu: di 27 a 105 metes

Li ban d' Mont

• Mont
• Avrè
• Armégnî
• Cweme
• Cipli
• Djumape
• Flinnu
• Glin-dlé-Mont
• Harvent
• Hyon
• Maîsiéres
• Mevin
• Novele
• Nîmi
• Obour
• Sint-Sinforyin
• Sint-Dnis
• Spiene
• Vilé-Sint-Guilin

Djeyografeye

Panorama.

Li veye si trouve nén lon erî del frontire avou l' France, bagneye pa l' Aiwe d' Inne, elle est l' cinte del redjon do Borinaedje, ancyinne redjon di hoyires.

Li comene intité di Mont a come vijhenes les comenes intités di Binche, L' Estene, Framriye, Djurbize, El Lovire, El Rû, Cwargnon, Kévi, Sint-Guilin eyet Sougniye.

Istwere

Li veye fourit fondêye e 7inme sieke, åtoû d' èn oratwere basti pa Wådrou (Waldetrude), feye d' èn intindant da Clotaire II, eyet canonijheye a s' moirt e 688 dizo l' no d' Sinte Wådrou.

Mins l' plaece aveut stî ocupêye co pus timpe, å neyolitike a Spiene, poy a l' epoke rominne ene gårnizon, Castri Locus, s' aveut establi avåla.

Mont vikéve dins l' tins do tcherbon. Mins, asteure, c' est ene grosse veye univiersitaire, avou l' Univiersité di Mont-Hinnot, les Facultés Univiersitaires Catolikes di Mont eyet li Faculté Politecnike di Mont.

Populåcion sorlon les anêyes

Dispôy èl rebanaedjes dès comenes è 1977 :

• 1977 : 97.445 djins
• 1994 : 92.495 djins
• 1995 : 92.666 djins
• 2000 : 90.935 djins
• 2002 : 90.955 djins
• 2005 : 91.083 djins
• 2010 : 91.759 djins
• 2015 : 95.231 djins
• 2018 : 95.299 djins

Acseignmint

Cisse pådje ci n' est co k' on djermon, dj' ô bén k' el pådje est djusse sibåtcheye, eyet co trop tene ; et s' divreut ele ecråxhî ene miete. Si vos avoz des cnoxhances so ç' sudjet ci, vos nos ploz aidî, clitchîz sol loyén « candjî l' pådje » po radjouter des informåcions.

Univiersités

Li principåle univiersité d' Mont est l' UMons. Mins i gn' a eto on campus po l' Univiersité Catolike do Noû Lovén (FUCaM - Politikes syinces)

Spôrt

Soce di baskete :

• Li Belfius Mont-Hinnot, ki sont spotés "Lès rinåds" ([FR] Les renards).

Soce di fotbale :

• Li Royå Bert-Lizabete Kévi-Mont, avou èl veye di Kévi.
  • Davance => Li RBLC Mont ([FR] RAEC Mons ) a disaprexhou è 2015.

Tuzance

Imådje do befrwè

Foclore

Li Doudou, li dicåce di Mont ki s' fwait tos ls ans al Trinité

Urope

Mont aveut stî èl mwaisse veye dal tuzance uropeyinne è 2015. Mont aveu prôpozé pindant èç anêye rola dès afwaires come dès spectåkes, dès espôzicions eyet todi-evoye.

Adjermalaedjes

Mont est adjermelé avou les veyes francesses di Briare-le-Canal, Thoissey eyet Vannes; ey eto avou Sefton (Grande Burtaegne), Changsha (Chine) et Little Rock (Estats-Unis).

Difoûtrinne waibe

Waibe oficire del comene