Pitits Rebanaedjes

Les Ptits Rebanaedjes, c' est des sayes di rebanaedjes di des tot ptits viyaedjes ki s' ont passé divant 1977.

Il alént-st aprester les grands rebanaedjes.

vîs rebanaedjes

• E 1887, on rebana l' comene di Bévurcé.

Pondants et djondants des rebanaedjes 1964-1977

E 1964, li minisse di l' interieur d' adon, li Joseph Michel, a vlou sayî di rmete eshonne sacwantès ptitès comenes. Ci n' esteut nén sol dimande des djins. Metans, dins les ptits viyaedjes di l' Årdene, les comenes avént sovint bén l' moyén et i n' tinént nén a-z aler dner leus sôs a des pus gros viyaedjes ki n' estént nén si ritches.

Egzimpes di rebanaedjes e 1964

• li 5 di may : Ernadje, Såvnire, Grand-Mayni et Lonzêye ont stî rmetous avou Djiblou.
• li 18 di djun, Les Tchairires et Mouzaive ont stî rmetowes avou Yåle.
• li 2 d' djulete :
  • Roloû et Noveye-dilé-Fexhe ont stî rmetous avou Fexhe-å-Hôt-Clokî.
  • Fize-li-Mårsale, Kimexhe, Ôdeu et Tisse ont stî rmatous avou Crusnêye
• li 6 di djulete : Li Gléjhe-dilé-Flemåle est rmetowe avou Les Awires
• li 26 di djulete :
  • Coirnîmont, Grå-Fayi et Bayamont ont stî rmetous avou Wåjhî.
  • Belfontinne et l' Pitit-Fayi ont stî rmetous avou l' Moncea.

Egzimpes di rebanaedjes e 1969

• Tchôkire avou l' Hôte Flémåle.

Egzimpes di rebanaedjes e 1970

Pal lwè do 17 di djulete (Moniteur do 11 d' awousse) :

• Djé-Djérompont-Ptit-Rozire va rdjonde Boumål-e-Braibant eyet Sint-Andrî po fé l' comene di Djérompont
• Bietrêye, Crås-Inmna, Crehin, Li Bôlin, Onsin, Poucet, Sint-Servå-Lin et Viyé-dvant-Haneu vont rdjonde Haneu