Coirnîmont

Coirnîmont ^{aschoûtez lu} (la-minme Cwârnîmont u Côrnîmont, fr: Cornimont), c' est èn ancyin ptit ban del Walonreye, rebané avou Wåjhî, li 26 di djulete 1964, divant les grands rebanaedjes. Asteure, c' est onk des viyaedjes do Grand Bive, e l' province di Nameur.

tchapele

Mwaissès dnêyes

• Limeros del posse:
  • asteure: 5555
  • Di 1969 a 1977: 6863 (li minme ki Wåjhî).
• Limero diyalectolodjike: D 139
• Eplaeçmint sol Daegn: 49°52'N - 5°00'E

• Sipotaedje des djins : Les Coirnibotés (la-minme : Cwarnibotês).
• Nombe di djins e 1967 : diviè 150.

Discrijhaedje

Coirnîmont (çou ki vôreut dire "coirnou-mont"), c' est on ptit viyaedje foirt touristike sol cresse ki rwaite an face, li cresse do Grå-Fayi.

Po-z aler d' on viyaedje a l' ôte, i fåt dischinde dins ene parfonde valêye, bagneye på rixhea ki vént d' Wåjhî et moenne ses aiwes a Smwès, å rgård do ptit viyaedje di Mouzaive.

Ci rixhea fijheut tourner l' molén et l' soyreye di pires di Mitôdje, so Wåjhî, li molén d' Grå-Fayi et l' molén d' Mouzaive. C' est onk des pus beas rixheas del comene di Bive, avou on pont antike sins vôsseure fwait avou des platès pires d' agåjhe.

Li reputåcion do viyaedje asteure vént d' èn årtisse ki fwait des sôrcires po gårni les måjhons.