Boumål (Braibant)

Pol discramiaedje des årtikes avou l' mot « Boumål », loukîz cial.

Boumål (fr: Bomal), c' est èn ancyin ptit ban del Walonreye, rebané avou des ôtes viyaedjes li 17 di djulete 1970, po fé l' novele comene di Djérompont, pu avou Ramieye ås grands rebanaedjes.

• Limeros del posse :
  • asteure : 1367
  • davance : 5913
• Limero diyalectolodjike: Ni 68
• Arondixhmint: Nivele

Djeyografeye

Les ptits bans vijhéns sont Ôte Gléjhe, Glime, Djåçlete, Oupåye, Mont-Sint-Andrî.

Boumål est raiwé pa Djåce, ki rçût les aiwes do ri d' Hedindje eyet ene miete pus lon les cenes di Torebåy.

Istwere

On djåze di Boumål dins des vîs papîs d' diviè les anêyes 1000. Les teres di Boumål estént payis d' Lidje, dispoy k' ene dutchesse les aveut dné a l' eglijhe di Sint-Lambiet.

No des plaeces di Boumål

• hamtea d' l' Alou, ki continowe sol teritwere di Mont-Sint-Andrî.
• campagne Sint-Rok
• Ribåy (Ribais)
• Li Tombe
• Li Baclinne (La Baclaine)
• Boumlete (Bomelette)
• Li bwès d' Boloe (bois de Boloy)
• Li Croes Bovî (Croix Bouvier)
• Li Campagnete
• Li Golet

A vey

• Eglijhe Notru-Dame do Rozåre, avou ene tour do 11-12inme sieke.
• cinse del Tourete, on boket est do 17inme sieke; ele sereut sol place del viye signorreye di Boumål