On lingaedje oficir, po on dislaxhî payis, c' est l' lingaedje k' il est rekis d' eployî dins l' administråcion eyet l' djustice et dins totes sôres di sitouwåcions et d' institucions do payis. Metans, li siermint des djins k' ont stî lomés scabins, mayeurs, pårlumintîs, minisses, evnd.

C' est eto l' prumire langue dins les scoles.

C' est sovint (mins nén todi) scrît noer so blanc divins l' mwaisse lwè.

Gn è pout aveur dipus d' on lingaedje oficir dins l' minme payis, metous dins des coines diferinnes, u so tote li stindêye di l' estat. S' i dvèt esse cåzés ambedeus ezès minmès plaeces, u pa les minmès djins, on djåze adon di bilingwisse.

Les lingaedjes ki vicnut dilé l' lingaedje oficir sont lomé les lingaedjes dilérins. I sont å pus sovint dismeprijhîs. Pacô, djusse pal voye des dujhances sociåles. Pacô, di cåze d' ene politike linwistike k' elzès spotche, come eneviè l' walon, di 1910 a 1970. On-z est adon en èn adjinçna linwistike k' on lome li diglosseye. Mins le lingaedjes dilérins polnut eto aveur eto sacwants droets, come les cis ricnoxhous del Tchåte uropeyinne des lingaedjes dilérins.

Sacwants egzimpes candjî

Nombe di lingaedjes oficirs candjî

Lingaedje oficir et mwaisse lwè candjî

Emey les payis la kel lingaedje oficir n' est nén clawé divins l' mwaisse lwè, n a les Estats Unis. Mins sacwants estats èndè polèt aveur tchoezi onk.

Tant k' l' Eritrêye, li Suwede u li Rweyåme Uni, i n' ont pont d' lingaedje oficir.

Lingaedje oficir et lingaedje des djins candjî

Ça pout esse pår li minme sacwè, come e l' Izlande, å Portugal.

Li lingaedje oficir pout esse foirt dilé l' ci di bråmint des djins di ç' payis la. Par egzimpe : li francès el France d' asteure, el Walonreye, e Kebek, a Ayiti, l' arabe classike ezès payis arabes.

Mins i pout esse eto pår etrindjir ås lingaedjes do payis. Boutans li francès e Senegal, el Flande e 19inme sieke, el Walonreye prûssyinne, l' espagnol ezès payis ki dviznut kechwa et aymara el Boliveye ey e Perou, l' amazir dins les coines kel cåzèt co e Marok e l' Aldjereye.