Paul Magnette

Paul Magnette, c' est on politikî walon.

Paul Magnette

Idintité
Vraiy no	Paul Magnette
Nexhance	- 28 di djun 1971 - Viye-Lovagne (Braibant Flamind)
Nåcionalité	Beldje
Politike cårire
Pårti	- Pårti Sociålisse - Prezidint : 17 di djanvî 2013 => 22 d' djulete 2014
Borguimwaisse	- Tchålerwè : Dispoy li 3 d' decimbe 2012
Walonreye	- Minisse del Santé, di l' Accion Sociåle eyet del Ewalisté dès Tchances : 20 di djulete 2007 => 21 di decimbe 2007 - Minisse-Prezidint : 23 d' djulete 2014 => 28 di djulete 2017
Beldjike	- Minisse do Climat eyet di l' Enerdjeye : 21 di decimbe 2007 => 6 di decimbe 2011 - Minisse des Eterprijhes Publike, del Politike Sincieuse eyet di l' Aspalaedje å Diswalpaedje des Grandes Veyes 6 di decimbe 2011 => 17 di djanvî 2013

I skepia a Lovén li 28 di djun 1971.

Di s' mestî, il esteut professeur a l' ULB.

Cårire

I mousse tot djonne e pårti Sociålisse.

I divna mayeur di Tchålerwè e 2012.

I fourit relî come prezidint del Walonreye li 22 d' djulete 2014 et-z î dmorer disk' å 28 di djulete 2017.

Rilomêye

Mediatike

Il a divnou cnoxhou lon et lådje cwand, disk' al dierinne broke, e moes d' octôbe 2016, i n' a nén volou fé siner l' Walonreye ås martchandaedjes di l' Acoird economike et comierçå globå inte l' Union Uropeyinne eyet l' Canada. Bråmint paski, après des studiaedjes et des ristudiaedjes do tecse, set ans å lon, i s' abéntixha ki les djudjes k' alént esse metous po les margayaedjes n' alént nén esse neutes.

E 2023, sacwantès djins s' ont maké cwand il a dit ene crake avou les Flaminds eyet les Walons, tot rwaitant l' ovraedje.

Bon dvwer

Tot rwaitant les rindaedjes bon dvwer k' il a rçuvou, i nd a troes ki sont impôrtante :

• 2016 : Ôre caizerlike di l' Ôre do Solea levant di troejhinme classe.
• 2017 : Grand Cordon di l' Ôre rweyå di Dannebrog.
• 2019 : Grand oficî di l' Ôre da Yopôl I.