Amon Nozôtes (pårti politike)
Chez Nous
|
Cisse pådje ci (sol filozofeye) n' est co k' on djermon, dj ô bén kel pådje est co trop tene et s' divreut ele ecråxhî ene miete. Si vos avoz des cnoxhances so ç' sudjet ci, vos nos ploz aidî, clitchîz sol loyén «candjî l' pådje» po radjouter des informåcions. |
Amon Nozôtes ([FR] Chez Nous), c' est on pårti politike rwaitî come estant d' foite droete so li speke politike.[1][2]
| Prezintaedje | |
| Askepiance | 27 d' octôbe 2021 |
| Coleur politike | Bleu eyet djaene |
| Prezidint | Jérôme Meunier |
| Payîs/
Redjons |
 Beldjike
|
Istwere
candjîAskepiance
candjîCi pårti la a stî askepyî li 27 d' octôbe 2021 foiravant på prezidints, Jérôme Meunier eyet Gregory Vanden Bruel, mins eto pa deus ôtès djins : Anne Potigny eyet Anne Maurice.[2] Tins d' ès-n' askepiance, Chez Nous a rçuvou l' ecoraedjaedje di sacwants politikîs : Jordan Bardella eyet Tom Van Grieken.[1] Come di djusse, leus pårtis, li Rassemblement National ey el Vlaams Belang, sont les påréns d' Chez Nous.[3] Ådzeu d' ça, ci mouvmint la est sotnou eto på des ôtes rilomés politikîs eyet mouvmints, metans Geert Wilders avou s' pårti, el Partij Van de Vrijheid.[4]
Divant d' askepyî leu prôpe pårti, les prezidints, Jérôme Meunier eyet Gregory Vanden Bruel, estént mimbes d' ôtes mouvmints politikes. Jérôme Meunier a stî co-prezidint del seccion "djonne" do Pårti do Peupe.[5] La ki Gregory Vanden Bruel a stî mimbe d' èç pårti la eto. Tot rwaitant Anne Potigny, elle a stî mimbe des Liberås Democrates tins d' ès-n' atacaedje, ci mouvmint ci s' loméve divinltins : Lisse Destexhe.[2]
Rujhes
candjîMins nerén, sacwants d' leus metingues sont afeye disfindous. Påregzimpe, Paul Magnette n' a nén otorijhî Chez Nous d' awè on raploû ki dveut trevni li 4 di fevrî 2023.[6] La k' å moes d' djun 2023, on cinsuraedje a stî voté, a Mont.[7] D' ene môde moens politike, bråmint des djins fwaiynut des raploûs conte Amon Nozôtes, pask' i l' erwaitnut come estant on pårti recsisse.[8]
Idintité
candjîVeyånmint k' el Rassemblement National, c' est onk des påréns d' Amon Nozôtes. Ci pårti la est tot seu a-z awè l' droet d' uzer el drapea do Front Nåcionå Bedje.[9] Avou ça k' èç mouvmint la uze voltî les moxhes al låme come leu-z essegne.[10]
Referinces eyet sourdants
candjî- ↑ 1,0 et 1,1 https://moustique.lalibre.be/actu/belgique/2021/10/27/le-meeting-pour-le-lancement-du-parti-dextreme-droite-chez-nous-annule-214631
- ↑ 2,0 2,1 et 2,2 https://www.mammouth.media/lextreme-droite-a-t-elle-un-avenir-chez-nous/
- ↑ https://www.sudinfo.be/art/850039/article/2021-10-11/le-rn-de-le-pen-et-le-vlaams-belang-parrainent-un-parti-dextreme-droite-en
- ↑ https://www.youtube.com/watch?v=h2hmwyDS_og
- ↑ https://www.levif.be/belgique/le-carrousel-continue-au-pp/
- ↑ https://www.dhnet.be/regions/charleroi/2023/02/03/un-rassemblement-dextreme-droite-interdit-a-charleroi-5BY2VMQ25FDQFNCX5KEWJVBP7U/
- ↑ https://www.dhnet.be/regions/charleroi/2023/02/03/un-rassemblement-dextreme-droite-interdit-a-charleroi-5BY2VMQ25FDQFNCX5KEWJVBP7U/
- ↑ https://stuut.info/Analyse-du-parti-Chez-nous-534
- ↑ https://www.lalibre.be/belgique/politique-belge/2023/06/14/chez-nous-a-lexclusivite-de-lusage-en-belgique-de-la-flamme-tricolore-du-fn-cela-renvoie-ce-parti-aux-anciens-demons-de-lextreme-droite-G5ZEJ7Z7QFCVTAAY73QDMFB4AY/
- ↑ https://www.cheznous.be/