Amon Nozôtes (pårti politike)

Chez Nous

Amon Nozôtes ([FR] Chez Nous), c' est on pårti politike rwaitî tot-z estant d' foite droete sol speke politike.

(fr) Chez Nous
(wa) Amon Nozôtes

Prezintaedje
Askepiance	27 d' octôbe 2021
Coleur politike	Bleu eyet djaene
Prezidint	Jérôme Meunier Gregory Vanden Bruel
Payîs/ Redjons	Beldjike - Redjon d' Brussele - Walonreye

Istwere

Askepiance

Ci pårti ci a stî askepyî li 27 d' octôbe 2021 foiravant på prezidints, Jérôme Meunier eyet Gregory Vanden Bruel, mins eto pa deus ôtès djins : Anne Potigny eyet Anne Maurice. Tins d' ès-n' askepiance, Chez Nous a rçuvou l' ecoraedjaedje di sacwants politikîs : Jordan Bardella eyet Tom Van Grieken. Come di djusse, leus pårtis, li Rassemblement National ey el Vlaams Belang, sont les påréns d' Chez Nous. Ådzeu d' ça, ci mouvmint ci est sotnou eto på ôtès rlomés politikîs eyet mouvmints, metans Geert Wilders avou s' pårti, el Partij Van de Vrijheid.

Padvant d' askepyî leu prôpe pårti, les prezidints, Jérôme Meunier eyet Gregory Vanden Bruel, estént mimbes d' ôtes mouvmints politikes. Jérôme Meunier a stî co-prezidint del seccion djonne do Pårti do Peupe. La ki Gregory Vanden Bruel a stî mimbe d' èç pårti la eto. Tot rwaitant Anne Potigny, elle a stî mimbe des Liberås Democrates tins d' ès-n' atacaedje, ci mouvmint ci s' loméve dvinltins : Lisse Destexhe.

Rujhes

Mins nerén, sacwants d' leus metingues sont afeye forbatous. Påregzimpe, Paul Magnette n' a nén otorijhî Chez Nous d' awè on raploû ki dveut trevni li 4 di fevrî 2023. La k' å moes d' djun 2023, on cinseuraedje a stî voté, a Mont. D' ene môde moens politike, bråmint des djins fijhnut des raploûs conte Amon Nozôtes, pask' i l' erwaitnut tot-z estant on pårti recsisse.

Idintité

Veyånmint k' el Rassemblement National, c' est l' onk des påréns d' Amon Nozôtes. Ci pårti ci est l' seu a-z awè l' droet d' uzer el drapea do Front Nåcionå Bedje. Avou ça k' èç mouvmint la uze voltî les moxhes al låme come leu simbole.