Moxhe al låme

Po des linwincieusès racsegnes sol mot "moxhe al låme", alez s' vey sol Wiccionaire

Ene moxhe al låme ^{aschoûtez lu}^[1] u ^{aschoûtez lu}^[2] ou moxhe d' apî ^{aschoûtez lu}^[3] ou moxhe di tchetoere, c’ est èn inseke sociåve ås deus aiyes ki pout esse aclevé po-z aveur del låme.

L' aclevaedje des moxhes al låme si fwait pa des moxhîs ou moxhtîs.

Biyolodjeye sociåle

Tins d' l' esté, ene moxhe (peuplåcion di moxhes al låme dins ene tchetoere) est fwaite di troes sôres d' insekes :

li rinne ou mere ou mere moxhe : c' est leye ki pond les oûs ki vont dner totes les ôtès sôres. Ele pout viker 4 ou 5 ans. Ele n' est esminceye k' on côp, å cminçmint di s' veye. Tins del campagne, ele va ponre di 1500 a 2500 oûs par djoû.
les grossès moxhes ou bourdons ou måyes (peres moxhes) : i discloyèt e moes d' may, po-z esmincer les meres. I n' boutèt nén et magnèt foirt. I sont touwés pa les ovrires e moes d' awousse, cwand l' plouctaedje kimince a rastrinde.
les ovrires : c' est des frumeles monses, pus coûtes ki l' rinne, et pus stroetes ki les grossès moxhes. End a des meyes et des rameyes dins ene tchetoere. Ele vikèt cénk a shijh samwinnes di l' esté, cwand ele tcherbinèt a l' ovraedje, et shijh a set moes di l' ivier, la k' ele si rispoizèt.^[4]