Pårti Socialisse (Beldjike)

**Pårti Socialisse**

Prezintaedje
Askepiance	1978
Politike coleur	Rodje
Prezidint	Paul Magnette
Vice-prezidint	Philippe Close Willy Demeyer Anne Lambelin
Payîs/ Redjons	Beldjike - Kiminålté Tîxhon-cåzante - Redjon d' Brussele - Walonreye

Li Pårti Socialisse, c' est on francès-cåzant pårti del Beldjike.

ImpôrtanceCandjî

C' est l' prumî pårti del Walonreye å livea des vôtaedjes.

Il est rwaitî come on pårti d' gåtche, veyanmint ki disfind l' ideyolodjeye d' ene democraceye socialisse .

IstwereCandjî

AskepianceCandjî

Èç pårti s' aveut askepyî e 1945, cénk ans padri l' dismantchaedje do POB (Pårti des Ovrîs d' Beldjike). Cwand l' pårti socialisse aveut skepyî, il esteut so tote li Beldjike disca 1978, cwand ç' pårti la s' aveut kipårti e deus diferins pårtis. Onk po l' Beldjike francès-cåzante, eyet l' ôte po l' Beldjike neyerlandès-cåzante. E l' Flande, ès-n omonime, c' est l' Socialistische Partij Anders ([WA] Pårti Socialisse eyet Ôtes). Dins l' pårteye tîxhon-cåzante do payîs, i gn a li Sozialistische Partei, k' est seulmint on frawén do ci del Nonne do payis.

Herlemes politikeCandjî

Anêyes 2000Candjî

A Tchålerwè, gn a yeu on herleme po l' dinaedje des lodjmints sociås di 2005 a 2007.

Anêyes 2010Candjî

Etur 2016 eyet 2017, li Pårti Socialisse est å fén mitan do grand disdut «Publifin», avou li MR eyet l' CDH. Èç herleme la, c' esteut purade les etercomunåles del province di Lidje, mins eto les ospitås del ISPPC el redjon d' Tchålerwè. Drola, Philippe Lejeune aveut stî metou so les foitès loumires po cåze di måluzance di béns publiks.^[1]

Pu, ça a stî l' côp d' Brussele, avou l' Samusocial. Dins cist afwaire la, li portagonisse fourit Yvan Mayeur.

Contråvmint a c' ki aveut stî dit^[2], l' afwaire Publifin n' a nén tant fwait do toirt ås cis k' estént å mitan do djeu, veyanmint k' mwintes di zelzôtes ont rpassé ås vôtaedjes d' après.^[3]

Mins nerén, ci fourit l' fén del cårire politike da Stéphane Moreau^[4] eyet da Yvan Mayeur.^[5]