Eciclopedeye Wikipedia e walon
Li Wikipedia walon u pus courtinnmint, li wiki walon, c' est l' modêye di Wikipedia tote sicrîte e walon
Istwere
candjîDipus d' racsegnes, cronolodjicmint
Askepiance
candjîIl a stî enondêye li 20 di djulete 2003 pa Pablo Saratxaga. Å cmince, elle a roté so ene éndjole da sinne, a môde di saye po vey s' i gn åreut yeu des djins k' årént yeu d' l' agrè po. Ci fourit li fene kimince di l' avinteure do Wikipedia walon, k' a pol moumint 12 474 årtikes.
Tré les prumirès pådjes, on-z î a ddja metou des intrêyes di l' esplicant motî do walon kimincî e 2000 pa Pablo Saratxaga eyet Lucyin Mahin.
On-z a-st arivé a 1000 intrêyes diviè l' 20 di djanvî 2004. On avna a 2000 intrêyes li 18 di may 2004.
Les prumîs fitchîs sons ont stî eberwetés e moes d' fevrî 2005. Wikinoveles, li coirnêye des dierinnès codowès noveles, a stî enondêye e moes d' avri 2005. On a avind les 5000 intrêyes diviè l' 9 di djun 2005, et les 6000 e moes d' nôvimbe del minme anêye. E 2005, gn ourit a pô près 6 intrêyes par djoû.
2006-2007
candjîE 2006, on tournéve åtoû des 4 intrêyes par djoû. Gn a va 9000 intrêyes li 6 di djun 2007.
2009
candjîSo 'l fotografeye, on voet k' i gn' a d'dja 11 000 årtikes.
2020
candjîAsteure (18 di djanvî 2020, 12:23 UTC+1), èl walon-cåzante eciclopedeye a 13383 årtikes (eciclopedeyes årtikes soulmint, sins les modeles ey ôtes foufs) e 6 026 djoûs d' egzistance, soit ene moyene di 2,22 årtikes på djoû.
Siervaedje
candjî
C' est målåjhey a dire li nombe di djins ki cwerèt sol Wiki walon. Gn a yeu pacô des årtikes dissu dins les gazetes francès-cåzantes del Beldjike.
Sacwants rvuwes di prôze nén racontrece e walon ont cité des rcweraedjes so Wikipedia, aprume li Rantoele-gazete, mins eto Nosse Lingaedje.
Des ôtes rvuwes come Cotcorico ont-st eplaidî des fotos saetcheyes do Wikipedia walon.
Årmonak Wikipedia e walon
candjîLi Wikipedia e walon a eto èn årmonak so les fis; c' est èn årmonak k' est fwait so les fis pås bouteus do Wikipedia walon.
Il est coyonké avou les årmonak dins des ôtes lingaedjes.