Pablo Sarachaga

infôrmatikî, rcwereu sol walon, bouteu pol walon eyet sicrijheu e walon
(Redjiblé di Pablo Saratxaga)

Pablo Sarachaga (on scrît cobén Saratxaga, a môde basse), c' est on rcwereu sol walon, k' a skepyî e 1971 e Tchili, et k' a vnou el Walonreye e 1981. E 1998, il atôtcha Lorint Hendschel po fé des ratournaedjes do sistinme d' operance Linux e walon. Did la, il a moussî dins les rfondeus.

(e 2004)

Di s' mestî, il esteut infôrmatikî.

A l' Elizete, e 2004, ki håynêye li drapea walon
cwåte di vizite po s' mestî

Etimolodjeye candjî

Pablo candjî

 Loukîz a :[1]

Pablo est l' omonime spagnol da , pitit no d' oridjene crustinne (vir Sint På) eyet laténe ([LA] Paulus). Paulus vout dire ene djin k' est pitite eyet fwebe.[1]

Saratxaga candjî

Saratxaga est on mo-fraze basse ki vout dire : "la wice k' i gn a des sås".[2]

Ouve pol walon candjî

come bouteu et rcwereu candjî

C' est a cåze di lu kel walon est eployî come langue dins les programes Linux.

Dispu 1989, il est waiburlin tecnike di l' Aberteke, et des ôtès waibes do dominne "walon.org".

E 2002, i fourit eto les cåzes del ricnoxhance do walon pa l' ISO, dizo l' essegne "wa".

E 2000, il aveut enondé l' idêye d' èn esplicant motî do walon. Il a coplé tecnicmint Lucyin Mahin k' a metou l' pordjet en alaedje.

E 2003, i ratourna tot seu l' eterface Wikipedia, po poleur diswalper ene eciclopedeye e walon. Pu ratourner e walon ene banslêye di hagnons k' i gn aveut so ls ôtes Wikipedia.

E 2003, il a eto apontyî on programe po l' codjowaedje des viebes e walon. Did la, trover l' atuze des troes bodjes ki poite si no.

Il a divnou penleu del Rantoele e 2000, et onk des pî-stoks del tåvlotêye rifondaedje del Rantoele. C' est lu k' a astaplé li prumî fond di dnêyes po fé ene ricoridjrece e walon. Et copler Francis Baudoux e 2005, po basti ene ricoridjrece k' on pout eto eployî so les sistinmes d' operance Microsoft.

A pårti des anêyes 2010, I va bråmint rarindjî l' DTW, po ndè fé on fond di dnêyes mo pouxhant.

come sicrijheu candjî

Mågré k' i n' åye djamåy sicrît des ouves di Belès Letes, il est onk des cis k' ont l' pus scrît e walon.

Ses scrijhaedjes, c' est aprume les ratournaedjes sol Wikipedia walon et po fé sacwants pådjes po l' Aberteke.

Mins c' est ossu tote les bates di dvizes, so des sudjets ordinaire et des sacwès d' linwince, so les djåspinreyes éndjolikes, foiravant Berdelaedjes.

Hårdêyes difoûtrinnes candjî

Referinces eyet sourdants candjî

  1. https://fr.wiktionary.org/wiki/Paul#Fran%C3%A7ais
  2. https://web.archive.org/web/20210417222916/http://chanae.walon.org/pablo/index-wa.html