Francis Baudoux

Francis Baudoux, c' esteut on scrijheu e walon, grand disfindeu do rfondou.

e 2002, schoûtant Yves Paquet a on raploû del Rantoele

Il aveut skepyî diviè 1938 ey a morou e 2017.

I dmoréve a Liloe (Vî Djnape).

Di s' mestî, il esteut indjenieur.

Ouve pol walon

Il a cmincî a s' rimete å walon avou les scoles di Djnape da Christine Tombeur, pu moussî al Rantoele diviè 2000.

I scrijha ene pitite novele, «Douwård», eplaideye ås edicions «Li Capucene».

Adon-pwis, i scrijha so des waibe-bloks aprume dizo l' no d' pene da Enocin Citron (Inocint Citron). Il eployive on rfondou walon nén erîlé.

I bouta so les rcoridjreces pol walon avou Pablo Sarachaga.

Si avuzion do rfondou

Il aveut aprins l' walon do Coûtchant, après Djnape. Come indjenieur après Lidje, il oyeut les ovrîs cåzer walon etur zels (motoit so s' dos) et i n' les comprindeut nén. Tot aprindant l' ortografeye do rfondou, i pola, d' on plin côp, rimete les sons d' après Lidje avou les cis do Coûtchant walon, ey adon, comprinde sins rujhe li lidjwès. Pol lu, ci fourit on fel riglatixhmint, ki l' tchôca a todi disfinde li rfondou walon, afeye on pô trop hagnûlmint po esse politicmint comifåt.

Hårdêye difoûtrinne

• Si waibe-blok (dizo l' no d' pene d' Enocin Citron)
• (wa) (en) (fr) Ses carnets d' voyaedjes d' après Gochliye (dins les egurniyaedjes del Daegntoele)