Paskeyes di tos les djoûs (prôzes)

Paskeyes di tos les djoûs (Pasquéyes di tos lès djoûs), c' est ene ramexhnêye des ptitès noveles sicrîtes pa Joseph Selvais.

Li live est sortitré «Contes d' ayir et d' ådjourdu»

Contnou candjî

Divant-z-ouve e francès (p. 3)
Adrovaedje : notaedje di l' accint d' Emtene-dilé-Inguezêye (p. 5-7)
Les deus camaerådes : On vî ome di Ciergnon rescontere li rwè Albert II dins les bwès; i lyi cåze e walon, k' il a-st aprins avou les gaméns do viyaedje tot djouwant après messe, et pu sol Daegntoele (dandjreus avou l' Wiccionaire) (p. 13-18)
Li djonne facteur : ene pitite factoresse ki fwait ça come djob di vacances. Et ki toûne li tiesse a on vî djonne ome (p. 19-24)
L' ome al berwete : tecse a môde di biyet d' oumeur filozofike : èn ome trevåtche li voye avou ene vude berwete divant ene oto ki rôle volegåz, et dveur sitater; reyaccions des deus moenneus (p. 25-28)
Li gros Louwis ås cizetes : on rawijheu d' cizete (usteye)s ki tournéve les viyaedjes est aresté pa ene grosse walêye (p. 29-33).
Ene bele shijhe d' esté : sinne di fornêye (bårbucût) modiene avou des djins d' asteure (p. 35-40)
Li sope da bobone : redjårbaedje d' on scrijheu kebecwès, come cwè ene sope del veye n' è såreut valeur ene del campagne (p. 41-47)
L' inscrijhaedje : ene cope la k' c' est l' pa ki n' a ki l' linwe vént fé inscrire leu fi amon on directeur di scole (ki cåze e francès dins l' tecse) (p. 49-57)
Les såcisses di campagne : minme djeu avou li sierveuse d' ene botchreye d' on grand botike ki cåze francès, et dmander li sôre di såcisse k' ene pratike (cåzant walon) vout (p. 59-62)

…