Invintåre des pus vîs tecses e walon (live)

Inventaire de la littérature wallonne des origines (vers 1600) à la fin du XVIIIe siècle

L' invintåre des pus vîs tecses e walon, kel tite e francès, c' est Inventaire de la littérature wallonne des origines (vers 1600) à la fin du XVIIIe siècle, c' est on live sol walon sicrît pa Maurice Piron et k' a vudî del livreye Paul Gothier, a Lidje e 1962.

Gn a la les 403 tites des tecses e walon ritrovés, tot etire u a bokets, dispu diviè 1600 disk' e 1800. Gn a eto dins l' live sacwants tecses e picård ey e gåmès.

Les tecses sont rindjîs e shijh seccions. Pu, dins tchaeke seccion, les tecses sont rindjîs cronolodjicmint.

Prumire seccion : tecses sol politike (138 tecses, do l° 1 å limero 137bis)
Deujhinme seccion : Complumints (90 tecses, do l° 138 å l° 227)
Troejhinme seccion : Pititès racontroûles (54 tecses, do l° 228 å l° 281)
Cwatrinme seccion : So les comeres et l' amour (77 tecses, do l° 282 å l° 358)
Cénkinme seccion : Varyistés (16 tecses, do l° 359 å l° 375)
Shijhinme seccion : Noyés walons (16 tecses, do l° 376 å l° 403)

Sacwants tites di l' invintåre da Piron

1: Sounet lidjwès å minisse
3: Li Salazår lidjwès (vî scrijhaedje)
6: Novele tchanson disconte des predicants
7: Bate di dvize inte on catolike ey on protestant (diyaloke).
26: Cantåte lidjwesse prezintêye å Prince li djoû di si eleccion
58, 59, 60: 3 tchansons so l' Afwaire des djeus di Spå.
16: Paskeye sol sidje et l' dissidjmint d' Wîne
62: Tchanson patriyotike namurwesse tote novele
63: Ene drole di tchanson
71: Acoroz tertos po vni schoûter: po disfinde a Vervî li pårti revintiveus da Fyon conte les reyaccionîs (diviè 1788)
97: Cwè, vla ddja nos volontaires
119: Les viyaedjes di Loncin et d' Awan : tchanson po balter les cmeres di ces deus viyaedjes la k' alént coûtchî avou les sôdårds francès, k' î ont stî cazernés do moes d' nôvimbe 1792 å moes d' måss 1793.
126: Paskeye di Djhan Såpire, poirteu ås saetchs
136: Paskeye lidjwesse del constitucion (1799)
147: Paskeye so l' eleccion di Monseu d' Audace
154: Paskeye d' ene eleccion al coledjåle di Vizé (1780)
228: Paskeye do tchet volant d' Vervî (1641)
284: Tchanson Decroyî (Bon Diu, ki c' est grand poenne d' inmer ces båsheles) (diviè 1600)
285: Paskeye so les lotchets (1640)
286: Kî vout oyî ene bele paskeye (tchanson)
287: Boune nute, Maroye; boune nute, mi feye
288: K' i sont loignes, ces valets (tchanson)
291: Cwand dji vs louke totes, vos, binamêyes (paskeye)
286: Kî vout oyî ene bele paskeye (tchanson)
289: Djåclene et Maroye (diyaloke)
290: Dji n' sai, por mi, kî s' vout maryî (paskeye)
292: Si dj' esteu eco a maryî, dji freu mî mes afwaires (paskeye)
293: O bondjoû, m' binamé Zabea (tchanson)
308: Djhan-ki-ploye et Linete Makêye
352: Pastorele bilinwe namurwesse ki cmince pa les paroles e francès Bonjour Cattin, belle bèrgère; les prumîs vers e walon sont Eco ki dj' so då viyaedje (Eco qu'ig d'so dau village.)
354: Monsieu del Bourlote (tchanson)
360: Paskeye di Cwareme et Tchårnêye
364: Les Ipocondes (operå)
365: Simon li scrinî (pîce di teyåte)
369: Li batreye di Donmårtén
376: Bondjoû vijhene (Vî Noyé walon)
377: Bondjoû mårene (Vî Noyé walon)
? Souxh souxh Mareye (Vî Noyé walon)
? Vouss vini cuzene Mareye (Vî Noyé walon)

Eplaidaedjes trocreces

Sacwants d' ces tecses la ont stî replaidîs eshonne, pa tinmes:

Cwate vîs scrijhaedjes di ptitès djins d' après Lidje (replaidî pa Jean Haust e 1939, l° 9 del coleccion «Nos dialectes»)
Vîs arimés so les comeres et l' mariaedje (replaidî pa Jean Haust e 1941, l° 11 del coleccion «Nos dialectes»)
Noyés walons (live da Auguste Doutrepont eyet Maurice Delbouille), 1938
Cwatru-vint-nouv: tecse del revintreye lidjwesse (livret del sitroete plake)

Radjoutaedjes après Piron

Loukîz a : Li conferince di Limbôr, live eplaidî pa Jean Lechanteur eyet Camille Meessen (2018)

Hårdêye difoûtrinne

Tecses dedja rcopyîs so Wikisourd