Li «Paskeye do volant tchet d' Vervî»[1], ki l' tite e francès, c' est : «Le vol du chat de Vervier», c' est ene viye paskeye di 1641.

Elle est rprinjhe sol limero 228 dins l' clasmint Piron des vîs scrîts e walon.

Elle a stî replaideye pa Jules Feller dins l' Bulletin de la Société verviétoise d'Archéologie et d'Histoire, tôme 11, 1910.

Contnou candjî

C' est èn arimé fwait pa ene djin di Stimbiè po critiker li sote idêye do farmacyin Sarolea d' Vervî, di fé voler on tchet

I lyi aveut-st emantchî des vexheyes di pourcea gonflêyes å gåz. Adon, i l' poirta ådzeu do clokî di l' eglijhe Sint-Rmåke.

Gn aveut dins les rwaitants les notåbes et ene flouxhe di djins.

Come di djusse li tchet touma come ene pire, mins gn aveut tant des djins k'i n' creva nén et biza evoye sins dmander ni cwè ni kesse.

Shuvance candjî

Li ratourneure walone «fé voler l' tchet» si dit po onk k' a on pordjet målåjhî a-z adiercî.

E 1951, on hina e l' air on tchet d' pluche raloyî a des balons gonflés a l' idrodjinne. Ci côp cial, i vola disca Outlouxhe.[2]

Gn a ene posteure a Vervî k' acsegne li sinne di l' apoticåre ki tént l' tchet al mwin.

Pî-note et sourdant candjî

  1. la-minme Lu tchèt dèl vêye du Vèrvîs
  2. (fr) [1]