Wikipedia:Inte di nozôtes

Egurniyaedjes :

1. 2005-2010
2. 2011-2015

• en: Requests for the bot flag should be made on this page. This wiki uses the standard bot policy, and allows global bots and automatic approval of certain types of bots. Other bots should apply below, and then request access from a steward if there is no objection.

Astalåcion di Flow so les pådjes di uzeus(es)

Copleus, copleuses,

Flow, c' est on osti ki permete di berdeler avou des fonccions ahessåves. Dji volereu l' awè so m' pådje, mins i m' fåt vosse permission (k' on m' dit). Estoz vs d' acoird ? Reptilien.19831209BE1 (discussion) 6 di djulete 2017 a 13:10 (UTC)

• Oyi, Reptilien.19831209BE1 (discussion) 6 di djulete 2017 a 13:10 (UTC)
• Oyi Srtxg (discussion) 6 di djulete 2017 a 22:24 (UTC)
• oyi --Lucyin (discussion) 15 di djulete 2017 a 22:37 (UTC)

Bonjour

Suite à cette discussion, Flow va bientôt être installé sur Wikipédia en wallon. Vous pourrez activer Flow dans vos préférences Beta quand cela sera fait. Je vous tiendrai au courant de la date et de l'heure du déploiement, qui va certainement arriver très bientôt.

Pour plus d'information, merci de vous référer à la documentation, que vous pouvez également traduire. Je vous invite également à traduire l'interface de Flow.

Bonne journée, Trizek (WMF) (discussion) 9 d' awousse 2017 a 20:28 (UTC)

Bonjour, le déploiement aura lieu demain, à la mi-journée. Vous pourrez alors activer Flow dans vos préférences Beta. Trizek (WMF) (discussion) 22 d' awousse 2017 a 13:53 (UTC)

C'est fait ! Si vous avez besoin d'activer sur une autre page de discussion, faites moi signe. Trizek (WMF) (discussion) 24 d' awousse 2017 a 08:27 (UTC)

novea no d' espåce po les pådjes Motî: ?

A disbate so Berdelaedje

--Lucyin (discussion) 15 di djulete 2017 a 22:37 (UTC)

Lucyin, Srtxg, on pôreut tot biesmint dmander l' no d' espåce Pordjet (come e francès : Projet:Accueil), po les diferins pordjets, et pol pordjet Motî rilomer totes les pådjes Motî:XXX viè Pordjet:Motî/XXX avou l' robot da Pablo. Cwè çki vos pinsez d' cisse idêye ? Reptilien.19831209BE1 (discussion) 11 di setimbe 2017 a 09:36 (UTC)

Les pådjes "Motî:" c' est istorike, di dvant k' i gn åye les wiccionaires.

Dji pinse ki l' såme ça dvreut esse di tot rcopyî sol wiccionaire, eyet disfacer les pådjes Motî:

(eyet après on pôreut dmander d' aveur "Motî:" come redjiblaedje sol wiccionaire walon: metans Motî:mandaye ça sereut l' minme ki wikt:mandaye)

on candjmint d' espåce c' est nén djusse on rlomaedje del pådje; c' est on candjmint dins l' båze di dnêyes, dji nel såreut nén fé (et, tant k' a fé, ostant l' copyî sol wiccionaire purade ki dins èn espåce a pårt do wikipedia). Si l' pådje wiccionaire est vude, ou ele n' a ki {{djermon-motwi}} on l' pout spotchî (c' est çou k' åreut dvou esse fwait å cmince; mins i gn a-st avou ene aroke, eyet l' robot ki fjha çoula ahiva tot plin d' pådjes... vudes).

Srtxg (discussion) 11 di setimbe 2017 a 20:34 (UTC)

ah ! dj' aveu comprins (cial et la) ki faleut « leyî eto sol Wikipedia ». Mi, dji so d' acoird por disfacer les pådjes Motî:xxx ki sont rcopieyes sol wiccionaire, mins comint on s' arindje, 1. on rcopyî ; 2. on depôze so Wikipedia li modele {{delete}} en leyant l' contnou ; 3. Lucyin (il est seu pol moumint a poleur disfacer des pådjes) rilé et disface si c' est d' adrame ? Reptilien.19831209BE1 (discussion) 11 di setimbe 2017 a 21:25 (UTC)

Wikisource e lingaedje walon : Wikisourd ?

A lére so les Berdelaedjes. Reptilien.19831209BE1 (discussion) 6 di may 2018 a 14:11 (UTC)

Candidateure po esse manadjeu

Bondjoû tertos,

Dji scrî m' candidateure po esse manaedjeu so li walon-cåzant Wikipedia. Dji m' a rabaitî ki sacwants uzeus (sovint des IP) vandalijhnut des årtikes. El dierin côp, ç' esteut èn årtike di Lucyin, mins èn ôte årtike aveut stî vandalijhî dispoy ès-n askepiance eyet pindant ene dijhinne d' anêyes : https://wa.wikipedia.org/w/index.php?title=RTL-TVI&action=history

Dji vôreu bén bloker ces uzeus pa mi-minme paski, d' aboird, dji so ledjirmint schorté d' vir ki ces uzeus rwaitnut li walon-cåzant Wikipedia come èn edroet u çk' on pout fé : "ci k' on vout". Dji pinse eto ki ces djins croeynut k' il est pus åjhey di vandalijhî des pitits Wikipedias, come li walon-cåzant Wikipedia, pask' i gn a nén brånmint des lijheus eyet des contribouweus. Dji croe k' il ont pus åjhey eto, pask' on voet k' i gn' a pont di stewård roci. On grand mehin est k' on vandalijhaedje nos pout schaper. Ç' est po çoula ki dji vôreu bén sayî d' les bloker pa mi-minme.

Ç' est on plaijhî d' contribouwer å walon-cåzant Wikipedia, pask' èç waibe roci, c' est on moyén d' ehårder nosse lingaedje, ki målureuzmint riskêye di disparexhe. Di pus, ene libe eciclopedeye nos acdene di democratijhî el fraite a l' infôrmåcion.

Dank davance po l' rindaedje ki vos poitroz a m' candidateure,

Èl-Gueuye-Noere

Estoz-vs d' acoird avou m' candidateure po ki dji dvegne manaedjeu del waibe : wa.wikipedia. Poloz-vs, s' i vs plait, vôter dzeu (OYI/NENI) :
Do you agree with this candidature to make me become an administrator of wa.wikipedia, please vote below (YES/NO) :

• Oyi, taiss ! Mins i vos fåt atôtchî les djins po k' i vegnnuxhe vôter ! --Lucyin (copene) 25 di djanvî 2020 a 19:40 (UTC)
• Oyi (yes) ! Lucyin est tot seu po manaedjî Wikipedia, ene deujhinme pwaire di mwins ni sereut nén d' trop. Reptilien.19831209BE1 (copene) 26 di djanvî 2020 a 08:02 (UTC)
• Oyi mi eto, dji voe evi les harlakes ki vnèt pourceater nost ovraedje.

--Souzanemahin (copene) 26 di djanvî 2020 a 10:31 (UTC)

• Oyi mi pareymint. --Samiha (copene) 26 di djanvî 2020 a 10:47 (UTC)
• Oyi dji vou bén, mi avou. --Selaria (copene) 29 di djanvî 2020 a 12:47 (UTC)
• Oyi mi eto Waelsch (copene) 18 di fevrî 2020 a 07:29 (UTC)

Mwais ratournaedjes di powezeyes

A disbate so les berdelaedjes

Årtike so Lucyin sol Wikipedia francès-cåzant

Bonswer Reptilien ; Bonswer Pablo ; Bonswer Djôr yet Bonswer Mme Mahin

Dj' a scrît, vocial on p'tit tins, èn årtike so Lucyin sol Wikipedia francès-cåzant. Tenawete, si rén n' est fwait, il riske d' esse disfacé avou des rujhes rwaitant ès rilomé. Si ene sakî poleut m' aidî a prové pocwè Lucyin est ene rilomêye djin so ç' Wikipedia, dji sereu bén binåjhe. Dj' åreu eto plou dmandé a Lucyin, mins s' il candje èn årtike wice il e-n est l' sudjet, les contribouweus francès-cåzants n' serént nén contins yet l' årtike poreut esse rwaitî come on vandalisse.

Amiståvmint,

--Èl-Gueuye-Noere (copene) 7 di djanvî 2021 a 19:56 (UTC)

Po çou k' est del rilomêye, c' est nén vormint on problinme, on pout åjheymint disfinde k' on n' såreu cåzer do lingaedje walon e 21e sieke sins k' i gn åye si no.

Mins l' årtike fait ene miete trop d' metaedje e-n avant (çou ki n' est nén foirt bén veyou cwand on cåze di lu-minme ou d' si etouraedje (et c' est co pus li cas sol Wikipedia e francès, Maria Deyi, k' est çki les djins î plèt esse spepieus et racaforspepieus pa des côps!)

Li djivêye des årtikes eplaidîs dins ene gazete n' a nén s' plaece dins èn årtike d' eciclopedeye; c' est trop di ptits detays. Djusse, s' i gn a des årtikes foirt consecants (come l' årtike da Djermwin), mete ces-la.

Dj' a volou coridjî 2-3 sacwès et radjouter des racsegnes; mins dji n' so seur nén on scrijheu... d' èn ôte costé, l' årtike e walon (cial do côp), est pinse dju d' on livea bon assez po les dmandes do wikipedia e francès; avou des referinces et des imådjes... pocwè nén tot biesmint li ratourner e francès ? Ça sereut l' pus simpe a fé (et poy ki les uzeus do wikipedia e francès continouwexhe a l' eritchî ou nén)

--Srtxg (copene) 9 di djanvî 2021 a 00:54 (UTC)

@Pablo

Prover ès rilomé n' va nén esse ossu simpe, sortoit k' el manaedjeu k' a metou l' modele shonne core foirt clair dins ses dmandes. Mins, dji va rloukî åzès sourdants dål årtike walon.

Ç' est po ces problinmes rola (inte di zels: metaedje e-n avant), ki dj' åreu dandjî d' èn aidaedje sol Wikipedia francès-cåzant. Savant k' is sont foirt spepieus, mins foiravant spepieus cwand is l' volnut esse. Dj' åreu bén vlou ratourner l' årtike walon e francès, mins s' is-årént stî aveuri el Wikipedia walon-cåzant, is-årént veyou k' Lucyin aveut contribouwé. Do côp, is n' årént nén stî binåjhe eto.

Yeyet n' tchictez nén a scrire, s' i vos vloz, minme si vos scrijhaedje riske bén d' esse disfacé padvant d' el awè metou.

--Èl-Gueuye-Noere (copene) 9 di djanvî 2021 a 10:44 (UTC)

Candidateure po esse manaedjeu disk' e fevrî 2022

Bondjoû tertos yet tertotes,

Ç' est bén rade l' fén d' em (prumire) anêye come manaedjeu sol Wikipedia walon-cåzant. Dj' espwere ki m'-n' aidaedje vos a plaijhou yet k' vos dalez voter po mi on sigond côp.

Dank davance,

--Èl-Gueuye-Noere (copene) 13 di djanvî 2021 a 22:40 (UTC)

Estoz-vs d' acoird avou m' candidateure po ki dji dmane manaedjeu dål waibe : wa.wikipedia. Poloz-vs, s' i vs plait, vôter padzo (OYI/NENI) :
Do you agree with this candidature to return me again as an administrator of wa.wikipedia, please vote below (YES/NO) :

• NO : mande escuze, mins, sins voleur mi breter, mi dji n' a pus nole afiyance pol moumint ! Vos av mostré on foirt costé militantisse ki n' mi rvént nén, tot radjoutant des fåssès racsegnes, ossu bén vaici, ki so Wikipedia francès, tot djouwant a ene brete di candjmint, u co so les Cmons, sins tni conte des rimåkes da Pablo po çou k' est di dmander li rlomaedje do fitchî. Sin conter ki, paski vos av fwait des candjmints tot seu dvins vosse coine, sins rén dire a nolu, li Mwaisse pådje ni rshonne pus a rén. Por mi, çou n' est nén l' posteure ki dj' ratins d’ on manadjeu. Çoula dit, sins vs voleur cachî misere. Rissayîz e 2022. P.S. Dji dmande a Pablo di bén voleur si poirter candidat. Reptilien.19831209BE1 (copene) 15 di djanvî 2021 a 09:51 (UTC)

• Conte

Målureuzmint, Gueye Noere, vos vs avoz constrût cisse sitouwåcion vos minme. On s' pout tromper, ça arive a tertos; mins c' est dins l' manire di s' aminder k' on s' pout grandi eto. Mins disk' å dbout, et dji n' comprind nén pocwè, vos avoz rfuzé d' accepter les fwaits et prouves k' on vs mostréve, et prezinter boû po vatche (come on drapea ki cåzu nolu n' a måy veyou come estant "li" drapea do "dislaxhaedje walon", sins nén ddja ene fayeye foto po l' aspaler). Co asteure, vos n' avoz nén fwait candjî l' no do fitchî. C' est foirt damadje, paski ça fwait do toirt a tertos; et poy, d' après çou k' dj' a veyou, vos avîz fwait ene boune bouye å cmince, mins vos n' avoz nén sepou fé çou k' i faleut cwand i faleut. Dispoy ki l' wikipedia e walon egzistêye c' est l' prumî côp k' i gn a on candidat manaedjeu k' a d' l' opôzucion insi conte di lu. Dimandez vs ene miete pocwè. --Srtxg (copene) 16 di djanvî 2021 a 10:34 (UTC)

---

Dj' a decidé d' saetchî evoye èm candidateure. Vos ploz lére li messaedje ki dj' a scrît so l' Wikimedia (e-n inglès) ubén l' ratournaedje e walon padzo :

Dj' a finålmint decidé d' saetchî evoye èm candidateure po dimaner manaedjeu då Wikipedia walon-cåzant. Vocial les råjhons :

Des djins bouteus avou mi rola yet mi-minme avéns yeu on dizôre, yeyet dji n' so nén seur k' ça a stî rezoû.

Deus des troes pus impôrtants contribouweus (sins conter mi didins, veyånmint ki dji n' pou nén voter) ont d'dja voté conte mi. Do côp, minme si d' ôtes uzeus årént voté po mi, dji vodreu respecter leu tchuze.

[Messaedje po serer l' copene sol Wikimedia + "Amiståvmint"]

Tot-z esperant, k' a l' avni, on pôreut awè ene discussion, si måy on-z arè co ene ledjire margaye so on sudjet. Vos ploz m' contacter so m' pådje d' uzeu, på emile ; si vos vloz porshuve cisse copene po (pocwè nén, padri tot ?) trover on redjårbaedje ; yet nén daler so ene pådje copene d' èn ôte contribouweu, so èn ôte waibe Wikimedyin, po raler so ene sacwè, çou ki est (sorlon mi) nén foirt comifåt (oyi @Reptilien, dji crind k' vos estoz dins l' cas. Houte di çoula, vos mi n' davoz nén advierti cwand vos avoz candjî li mwaisse pådje do Wiccionaire ; adon n' fijhoz nén "deus-pezances-deus-muzeures").

Dji pinse aveur todi stî rola po vozôtes yet dji conte dimaner todi la po vozôtes, minme si pol moumint ça n' va nén foirt.

Dji di d'dja "proficiate" davance å novea manaedjeu ; ey a tertos yet tertoes : boûne après-nonne.

Amiståvmint,

--Èl-Gueuye-Noere (copene) 16 di djanvî 2021 a 12:31 (UTC)

• « Tot-z esperant, k' a l' avni, on pôreut awè ene discussion, si måy on-z arè co ene ledjire margaye so on sudjet », dji n' voe nén pocwè çk' on poreut nén ! Fåt poleur dispårti les sacwès, et sawè berdeler eshonne minme s' on n' est nén todi d' acoird !
• « yet nén daler so ene pådje copene d' èn ôte contribouweu, so èn ôte waibe Wikimedyin, po raler so ene sacwè », si vos cåzez di c' messaedje la, i m' shonne ki c' est co ÈM pådje di copene !
• « Houte di çoula, vos mi n' davoz nén advierti cwand vos avoz candjî li mwaisse pådje do Wiccionaire », et dji n' aveu nén a l' fé, a c' moumint la, vos n' avîz fé ki 11 candjmints sol Wiccionaire !

Mins, come dji sin bén ki vs estoz ene miete mwais, dji va m' arester la, et vs dire ki, si vs avoz keure do walon, si vos l' veyoz voltî, adon porshuvoz a l' aprinde, porshuvoz a-z amidrer Wikipedia. Vos trouvroz todi ene sacwè a fé vaici, minme sins esse manadjeu. Çou n' est nén ene obligåcion.

Reptilien.19831209BE1 (copene) 16 di djanvî 2021 a 20:26 (UTC)

Didju ! On est rade dispassé, avår ci !!! Dji n' aveu rén shuvou d' tot çoula. On n' såreu souner a messe et co esse al porcession !!!

I m' va don faleur disfacer les pådjes a disfacer tot seu !!!

Oyi, Gueuye-Noere, vos ploz co fé des pådjes. Si vos vloz ki dj' les rpasse, metoz m' on ptit messaedje. On sayrè co di rbouter eshonne po èn årtike sol Rantoele 97, si vos vloz.

--Lucyin (copene) 20 d' djanvî 2021 a 17:05 (UTC)

Bonswer @Lucyin,

Dji vos a evoyî èn emile po li l°97 del Rantoele yet pol Bijhe yet l' Solea.

Amiståvmint

--Èl-Gueuye-Noere (copene) 20 d' djanvî 2021 a 17:53 (UTC)

Novele mwaisse pådje

Bonswer tertos yet tertotes,
Come çoula est l' cas so l' Wiccionaire yet sol Wikisourd, dj' a pinsé bon k' i sereut tins ki nosse Wikipedia euxhe ene bele mwaisse pådje. Pindant cis deus dierins djoûs, dj' a fwait ene saye ki rishonnreut al "ki-pôreut-esse" novele mwaisse pådje. Ni tchictez nén, do côp, a dné vost avis dsu : ki ci soeye sol fwait di candjî d' mwaisse pådje ubén so m' saye.
Amiståvmint,
--Èl-Gueuye-Noere (copene) 22 d' djanvî 2021 a 17:37 (UTC)

Oyi, ça a l' air bén pus bea.

Cwand dj' årè l' tins, dji rcandjrè les dominnes (dierin purnea) et wårder djusse les cis ki sont bén diswalpés (c' est l' minme diåle dispu 2004 u inla).

--Lucyin (copene) 23 d' djanvî 2021 a 12:32 (UTC)

Sacwants ptits ponts a candjî sorlon mi :

• Les coleurs djaene et rodje (minme ene miete rôze, direu dju), dji n' comprindrè måy pocwè voleur fé ostant di tape a l' ouy. Fé pus simpe ni vout nén dire fé pus laid, a m' shonnance todi.
• Li loyén so Wikipedia ni sieve a rén por mi.
• Les imådjes a costé des tites k' i n' sont nén del minme taye.

Et d' ene djeneråle manire, li pådje rishonne bén trop å Wiccionaire, dji sreu po candjî ene miete et mete del variyesté etur les pordjets.

Si vos vloz, dji pou rwaitî po fé ene sacwè d' diferint so ene ôte pådje ?

Reptilien.19831209BE1 (copene) 23 d' djanvî 2021 a 17:15 (UTC)

Loukîz on po l' mwaisse pådje di Wikipedia e catalan come ele est simpe et bele : ca:Portada. Reptilien.19831209BE1 (copene) 23 d' djanvî 2021 a 17:23 (UTC)

Po l' coleur, dji va såyi d' trové ene ôte pus neute k' åye mî (yet nén pus fé on sistinme bicoleur, come asteure). Dji prefereu ahouwer on fond blanc u gris, ki fwait ledjirmint pôzetait.

Li loyén viè "Wikipedia" vént d' esse disfacé.

"Et d' ene djeneråle manire, li pådje rishonne bén trop å Wiccionaire, dji sreu po candjî ene miete et mete del variyesté etur les pordjets." : dji n' a pas bén comprindou. Ç' est li styles.css ubén l' manire don les pordjets sont prezintés ki rishonne trop å Wiccionaire ? Dj' a loukî li mwaisse pådje catalane, li pilasse di droete ([FR] colonne de droite) est vraiymint bén fwaite ; mins is ont mis brånmint di trop d' foto då costé gåtche.

--Èl-Gueuye-Noere (copene) 23 d' djanvî 2021 a 17:54 (UTC)

Li conteur di pådje a l' air d' aveur bevou ene gote di trop: 34.000 pådjes !!! Pa ké sint ? Sinte Matrice, dandjreus !!!

--Lucyin (copene) 24 di djanvî 2021 a 11:34 (UTC)

34.000 pådjes, ç' est les årtikes + les modeles + les redireccions + uzeus + et tchik et tchak <=> 13.000-14.000 li nombe d' årtikes sins les redireccions.

Edit : Dj' a yeu l' acoird da Lucyin pol candjî.

Edit 2 : Ç' est candjî ; si vos vloz ritoûrner al pådje d' avance, dijhoz m' el.

--Èl-Gueuye-Noere (copene) 24 di djanvî 2021 a 15:50 (UTC)

@Lucyin @Srtxg Li vete coleur vormint... on n' pôreut nén leyî l' fond blanc, k' ireut mia, pinse dju, avou les grijhes lenes et les futeures imådjes k' i gn åreut sol pådje ? C' est çou k' on trouve so 90% des ôtes Wikipedia. Reptilien.19831209BE1 (copene) 24 di djanvî 2021 a 17:04 (UTC)

Vandalism

Dear all, (@Michael, @Lucyin, @Pablo and @Reptilien)
We've been faced a new wave of vandalism by an IP-address. I know that I can't, legally, block him, given that my power are, by agreement, restricted to Djozewal's file. Do you want either I help @Lucyin block them or I keep asking Lucyin to block them by himself? The problem with this IP is that he put some suspicious websites as "references".
Yours sincerely,
--Èl-Gueuye-Noere (copene) 14 di måss 2021 a 11:14 (UTC)

The links are not to references, but to images, on what seems to be free upload sites for images.

Such behaviour is indeed suspicious, even if the images were legit (they weren't; only one was; the others had no relation at all with the article), Wikipedia has its own system to handling images.

Such behaviour makes me suspect the aim was to do a probe with "inocous" images; and if it went unnoticed change later the images (which won't be detected on the wiki pages, as the link itself doesn't change) to put some spam/scam images (or maybe even worse).

--Srtxg (copene) 14 di måss 2021 a 11:40 (UTC)

Hi! Thank you for asking me. I think the best is to have at least a few active admins so that any vandalism can be stopped fast. I know it can be hard on smaller wikis.

I think that users who understand how Wikipedia works good, who have no history of breaking stuff and who can speak with other users without getting into a fight (too often) are good candidates.

Who you chose I would leave to the active users on wa.wiki to decide. I mostly work on images and I do not understand Walloon so I'm not the best judge of who can be trusted with the admin bit or not. --MGA73 (copene) 14 di måss 2021 a 11:58 (UTC)

But just to clarify: I have seen no bad edits by Uzeu:Èl-Gueuye-Noere and I would not complaint if vandalism are blocked even if the admin bit is given for a different purpose. --MGA73 (copene) 14 di måss 2021 a 12:08 (UTC)

Mwaisse pådje (avri 2021)

Bonswer tertos : @Lucyin ; @Pablo eyet @Reptilien,

Come vos l' savoz azår d'dja, dispoy li moes di djanvî 2021, nos avans ene novele mwaisse pådje. Come sol Wiccionaire, nos metans tchaeke moes èn årtike, ki shonne bén complet, dzeu. Si ene sakî a ene idêye d' årtike a mete pol moes d' avri, ni tchictez nén a m' el fé saveur.

Amiståvmint,

Èl-Gueuye-Noere

Djanvî / Moes d' djanvî

@Lucyin @Srtxg @Èl-Gueuye-Noere

Li rlomaedje a stî fwait pa Lucyin paski « cåzu todi lomé insi ». Mins Avri, May, Awousse, Setimbe et Octôbe ont stî rovyîs. Dji sreu po wårder l' prumî, et vos ? Reptilien.19831209BE1 (copene) 18 d' avri 2021 a 11:02 (UTC)

I va po mi. --Èl-Gueuye-Noere (copene) 18 d' avri 2021 a 11:05 (UTC)

Dins ene fråze on n' eploye waire les nos des moes tot seus; mins nerén, li no tot seu egzistêye eto : on l' voet dins sacwants spots, mins eto dins les dates (on dit "li 18 d' avri" purade ki "li 18 do moes d' avri" (ki s' pout dire eto, mins moens corant). C' est pus pratike d' aveur l' årtike dizo l' no do moes,

--Srtxg (copene) 18 d' avri 2021 a 12:27 (UTC)

Creation of lots of "modules" and "modeles" (templates)

Dear all : (@Michael ; @Lucyin ; @Pablo and @Reptilien),
Don't be afraid if you see many "modules" and "modeles" pages created, I'm working to create a modele for this article. However, in order to be able to create this template correctly, I need a huge number of modules and templates. Here is my page of the template I (originally) try to reproduce.
I'm also translating a Dutch model into Walloon on one of my personal pages.
If it disturbs you, please, feel free to tell it to me, as soon as possible.
Yours sincerely,
--Èl-Gueuye-Noere (copene) 9 di may 2021 a 21:44 (UTC)

Tites tot-rfondous VS Tites oridjinås

Binamé tertos : @Lucyin ; @Pablo ; @Reptilien ; @Djôr eyet @Souzane,
Come dj' el aveu scrît roci el dierinne samwinne. On-z a dandjî di prinde asteme avou les tites des ovraedjes walon-cåzants k' ont des årtikes sol Wikipedia. Sacwants ovraedjes sont scrîts e rfondou, d' ôtes e Feller, et tchik et tchak. Totfeye, leus tites sont tos e rfondou. Çk' i n' va nén paski dji pinse k' i fåt respecter l' oridjinåle ortografeye.
Vocial padzo çki dj' aveu scrît sol cåbaret do Wikissourd tot rwaitant çoula :
« På egzimpe, gn a toplin des ouves scrit avou l’ sistinme Feller wice k’ el tite est eto scrit avou ci minme ortografeye cial. Totfeye, les tites sol Wikipedia ont stî rfondous. Sorlon mi, çoula n’ va nén. Dj’ ô bén k’ on doet warder el tite oridjinå. Cial èn egzimpe ki dj’ a coridjî eyet ki rwaiteut ossu Jacques Desmet. Ene ôte aroke, c’ est k’ on s’ pout fé taper so les doets. Metans, pa les cis ki sont ddja conte li rfondou k’ est l’ ortografeye uzêye på Wikipedia walon-cåzant. Do côp, metans cist ouve la. On duvreut rcandjî l’ tite di l’ årtike (‘’’Les djoûs racourtixhnut’’’) k’ est on riscrijhaedje e rfondou viè l’ scrijhaedje oridjinå do tite (‘’’Lès djoûs racoûtichenut’’’). N’ fåt nén rovyî k’ on doet awè ene certinne clairisté ([FR] transparence) avou nos fijhaedjes. »
Amiståvmint,
--Èl-Gueuye-Noere (Ene sacwè ? => Dijhoz-m' el !) 7 di setimbe 2021 a 15:02 (UTC)

Arf, li rortografiaedje... målåjheye kesse ! Dji m' va fé l' pårlî do diåle. Por mi, gn a-st ene grosse diferince inte Wikisourd, la k' on riscreye ene ouve come elle a stî eplaideye, et Wikipedia, la k' on trouve des rascegnes so ene ouve k' i s' pout k' elle euxhe sitî eplaideye pus d' on côp ey avou diferinnès ortografeyes. Metans, e francès Le Misanthrope n' est nén l'ortografeye da Molîre : Le Misantrope (sins H). E walon c' est l' minme, gn a yeu des felerijhaedjes d' ouves sicrîtes divins des vîs sistinmes. L' oteur n' åreut ptete nén veyou çoula voltî mins on n' lyi a nén dmandé. Di pus, dins ces vîs sistinmes la, gn a eto ds oteurs k' on zels-minmes candjî d' ortografeye. Metans Chales Werotte : Ch′oix di ch′ansons wallonnes et otres poésies (3inme eplaidaedje 1860) avou l' munute da Chavée (ch′ansons po tchansons) ≠ Chansons wallonnes et otes poésies (4inme eplaidaedje 1867) avou rsaetchaedje di ch′oix, abandnaedje del munute da chavée (chansons ≠ ch′ansons) et rsaetchaedje do R dins otres. Dins des sfwaits cas, on prind ké tite, el prumî u l' dierin ? Et po çou k' est des ratournaedjes des tites, cwè fé, dins ké sistinme, e Feller ou Rfondou ? So Wikipedia e francès eto, gn a yeu des dvizes a-z awè l' tournisse po sawè s' i faleut scrire tot shuvant l' rifôme di l' ortografeye di 1990 (nénuphar u nénufar ?), po sawè s' i faleut scrire Tokyo u Tōkyō u co s' i faleut mete come tite endive u chicon... Rén n' est simpe ! Mi, dji pinse come vos k' po les tites des ouves et les rdijhaedjes (citåcions) on dvreut wårder l' sicrijhaedje di l' oteur si l' sistinme eployî est co vicant. Et gn a rén a rdire, l' Feller est co bén vicant et foirt eployî. Adon, i nos fåreut tot l' moens fé come po Li ptit Lidjwès (gazete) — ki dj' rilomreu tot biesmint Li ptit Lidjwès come i gn a rén d' ôte avou c' tite la — mete el tite del pådje rifondou et on dzo-tite avou l' modele dizo-tite (vaici scrît dvins on sistinme di dvant Feller). Oubén, on preut mete li vraiy tite e clintcheyès letes, come po les tites des lives/fimes so Wikipedia e francès, et mete come dizo-tite li rfondaedje. A nozôtes di vey. Reptilien.19831209BE1 (copene) 7 di setimbe 2021 a 21:55 (UTC)

Come d' efet, gn åreut des mantches a mete. Dji va tuzer a çoula po trover ene divudindje. Azår k' ça va prinde puvite bråmint do tins. Li mî sereut ki dji fwaiye èn adjinçna ([FR] schéma) avou tos les målåjheys cas k' vos av mostré.

--Èl-Gueuye-Noere (Ene sacwè ? => Dijhoz-m' el !) 8 di setimbe 2021 a 21:31 (UTC)

Moes di djanvî ubén djanvî

Binamés tertos yet binamêyès tertotes : @Lucyin ; @Pablo ; @Reptilien ; @Djôr ; @Lionel ; @Souzane et tchik et tchak
Po les årtikes rwaitant li moes, metans « Moes di djanvî ». Tchoezirîz purade po ké djinre di tite :
A = Moes di djanvî et tchik et tchak.
ubén
B = Djanvî et tchik et tchak.
Ploz voter padzo èm messaedje.
Amiståvmint,
--Èl-Gueuye-Noere (Ene sacwè ? => Dijhoz-m' el !) 8 di fevrî 2022 a 18:47 (UTC)

B : fijhans pus simpe, on preut todi prinde djanvî (moes) s' i gn åreut-st ene ôte sacwè ki s' lomreut « djanvî » et ki sereut pus impôrtant k' el moes. Reptilien.19831209BE1 (copene) 8 di fevrî 2022 a 19:21 (UTC)

B : A mi eto, i m’ shonne qui ci sreut pus simpe insi. --Lionel June (copene) 9 di fevrî 2022 a 20:37 (UTC)

Vandalisse

Bondjoû tertot,
Les årtikes ki rwaitnut les planetes d' astrolodjeye sont sovint vandalizêyes pa ene sakî drî des ipés. Dj' a dvou waeranti ces pådjes la. Disk' å 15 di decimbe, seulmint les uzeus ki n' sont nén noveas lzès polnut candjî. La k' c' est l' minme sol pordjet picård-cåzant eto avou ci vandalisse la.
Amiståvmint,
--Èl-Gueuye-Noere (Ene sacwè ? => Dijhoz-m' el !) 15 di djun 2023 a 14:51 (UTC)

« Tite des lives e Feller »

Bondjoû tertos : @Lionel June, @Pablo eyet @Reptilien,
Nos pôrîz dire çki vos pinsez des atåvlaedjes dnés pa @Lucyin eyet mi ? Vola el bate di dvize rwaitêye. Ñi tchictez nén a-z idintifyî ene sakî ki dj' åreu rovyî.
Ki ça vos våye bén, --Èl-Gueuye-Noere (Ene sacwè ? => Dijhoz-m' el !) 30 di djun 2023 a 16:17 (UTC)

@Èl-Gueuye-Noere, @Lionel June, @Pablo, eyet @Reptilien

Shûte a on pordjet di fé tcheryî li rfondou come sistinme acceptåve pås decideus oficirs del politike linwistike e l' Walonreye (poirté pa des «gros colés» del «måjhon»), et:

• veyanmint sacwants rclamaedjes e l' toponimeye (des nos d' viyaedje nén intrés come on dit la-minme),…
• veyanmint ene meyeuse racsegnance des lives e walon u sol walon s' i sont metous come leus tites sont podbon so papî,…
• veyanmint les rujhes po les plantes et les biesses ki n' ont nou no e walon (k' on såreut adon intrer a pårti do no e sincieus latén, come so des ôtes Wikis, et n' nén trover tchaeke côp on noûmot e walon),…

… dji lai tchaire mi idêye di tite e walon po les lives (eyet les plantes et biesses egzotikes waire kinoxhowes).

Pol modele po fé des clintchêyès letes sol mwaisse tite, alez s' vey a: Histoire de Wallonie, le point de vue wallon

Les ancyins tites «esplicants» polèt ridivni des dzo-tites.

Vocial ene prumire saye po les lives: Podrî_lès-avrûles

Po les viyaedjes, on pout mete li lomaedje del plaece minme come mwaisse intrêye (mins dji n' metreu pont d' apostrofe ni d' halcrosse E dvantrin). Vola ene prumire saye: Ol_Rèbîvèye

Po les plantes nén lomêyes coranmint e walon: Centranthus_ruber

Asteme ! i vos fårè displaecî li pådje eviè l' novea mwaisse tite po k' ça soeye håyné dadrame: El Rubiveye => ol Rèbîvèye.

Bon coraedje si sacwants volnut bouter al tcherete. Mins on sait rcandjî çoula pitchote a mignote. Gn a nén l' feu !

------Lucyin (copene) 16 di may 2024 a 09:47 (UTC)

@Lucyin :

Asteme, les nos e Feller, c' est seulmint po les lives, et tchik et tchak ; adon, nén po les nos d' comenes.

--Èl-Gueuye-Noere (Ene sacwè ? => Dijhoz-m' el !) 18 di may 2024 a 13:20 (UTC)

@Lionel June Å raploû ki dji vos evoyrè li rapoirt, dj' avéns metou sol tåve li cas d' Plombire. Dj' avéns atåvlé di mete li vraiy no (limbordjwès / ripouwaryin ?) come mwaisse intrêye. Cwè ndè djhoz ?

Dji saye al minme môde: Herzeroa.

--Lucyin (copene) 19 di may 2024 a 10:40 (UTC)

Po Op-ene-Bliiberech eyet Herzeroa, ça m' shonne mia insi, oyi. Et pol Rubiveye, mi, dji candjrè l' ôre do tite et do dzo-tite, tot lomant l' pådje ol Rèbîvèye. Totes ces afwaires di toponimeye la, i m' shonne ki les fåreut mete d' adrame tot shuvant l' rîle del tecse vaici : « 5. Les noms des rues et des localités, des lieux-dits dans les panneaux publics. La réhabilitation des formes wallonnes a une grande portée identitaire. Il ne s'agit donc pas de les déformer une seconde (ou une troisième) fois. » (dins Domaines de non-utilisation)--Lionel June (copene) 19 di may 2024 a 18:24 (UTC)

Les gros problinmes del toponimeye coinrece, c' est k' ci n' est nén sifwaitmint ovrûle :

• Gn a des edroets k' on des nos timpesse.
• Gn a des edroets, aprume les « Såt », les « Rou », les « Mont », k' ont l' minme no. Adon, on pout må d' si rtrover avou 41 intités lomêyes « Såt », e.t.e.t.
• Nouk di yeusses est scrît e rfondou, k' est l' ortografeye des pordjets Wikimedia walon-cåzants. Avou ça k' on-z asprouve dispu des ans eyet des razans, virpus des dijhnêyes eyet des dijhnêyes, d' elzès rfonde. La eto k' on cmince a ratourner, tot-z uzant l' ortografeye do rfondou, des nos d' plaece e walon ; metans, Misterdam ubén Atraik.

--Èl-Gueuye-Noere (Ene sacwè ? => Dijhoz-m' el !) 19 di may 2024 a 19:58 (UTC)