Dislaxhaedje walon

El dislaxhaedje walon est on politike mouvmint ki vént do mouvmint walon eyet k' ebåd el indepindance walone contru li Beldjike (ôtrumint dit, contru li Flande et li Redjon d' Brussele). El prumî pordjet d' ene Waloneye indepindante a sti atåvlé par li "Rassemblement démocratique et socialiste wallon", e 1942.^[1]

Imådje:Drapea Dislaxhaedje Walon.png

Raskepiaedje do drapea dål dislaxhaedje walon.

Principe

Cisse pådje ci n' est co k' on djermon, dj' ô bén k' el pådje est djusse sibåtcheye, eyet co trop tene ; et s' divreut ele ecråxhî ene miete. Si vos avoz des cnoxhances so ç' sudjet ci, vos nos ploz aidî, clitchîz sol loyén « candjî l' pådje » po radjouter des informåcions.

Li dislaxhaedje walon vout dire k' el Walonreye n' sereut pus ene redjon Bedje, mins bén èn Estat.

Li Redjon d' Brussele poreut ridjonde el Walonreye, mins i gn' a cåzumint pont d' tchance. Sorlon Pierre Hazette, li Brussele ey el Walonreye sont foirt diferints. Brussele est pus ene eternåcionåle veye eyet l' varyisté culturele est pus impôrtante k' e Walonreye. Il clatche eto k' el Walonreye est pus rural contråvmint a Brussele.^[2] Di pus, les Brusselwès prefernut esse indepindant si li Beldjike aplôse.^[3]

Sacwantès djins, come Michel De Maegd, pinsnut k' el dislaxhaedje walon est nén-polule. Èç politiki dit k' el dislaxhaedje walon n' est nén-possibe, pask' el Beldjike pout nén aplôser. I diboke : "On cour pout nén esse divizé e deus".^[4] D' ôtes djins croeynut k' el Walonreye doet nén divni indepindante. Sorlon zelzôtes, i gn' a mwintès d' råjhons. L' insurté economike est l' prumire råjhon. Julez Gazon, ene economisse del ULg, deplore k' el Walonreye est pus pôve k' el Grece.^[5] Li råjhon culturele resse li pus impôrtante po les Rataxhisses. På egzimpe, li France eyet l' Walonreye ont l' minme oficir lingaedje : li francès, pindant k' el neyerlandès est oficirmint djåzé e Flande.^[6] Di pus, les Rataxhisses pretinde k' el Flande est måhaitî pol Walonreye eyet po Brussele. Mins nerén, soulmint 32% des Walons volnut rtouné e France.^[7]

Les djins ki volnut l' dislaxhaedje walon, come Arnaud Pirotte eyet Yannick Bauthière sont lomés : walonisses. Ces deus omes rola sont les oteurs då live : Histoire de Wallonie ([WA] Istwere del Walonreye). Sorlon ces omes, li dislaxhaedje bedje esteut on cepe.^[8]

Jules Destrée

Lete

E 1912, Jules Destrée aveut scrî ene lete, ki si lome "Sire, li Beldjike ni vike nén!" ([FR] Sire, la Belgique n'existe pas !) å Rwè Albert I. Il aveut kimincî es lete e dijhant ki gn' a pont des Beldjes, mins soulmint des walons eyet des flaminds. I discrijheut li Beldjike come estant èn estat, mins come n' estant nén ene nåcion. I racontéve eto ki li Flande est pus djondant ås tuzances djermanikes eyet li Waloneye est pus djondant ås tuzances francès-cåzantes. Jules Destrée aveut bråmint comparé li Flande eyet li Waloneye, tolminme cwè avou 'l djeyografeye des deus redjons u avou des sociolodjikes diferinces, metans.^[9]

Waibaedje

Li Beldjike n' esteut nén co dins li Prumire guere daegnrece cwand Jules Destrée aveut scrî cisse lete. El seu oficir lingaedje esteut 'l francès a l' apôzite d' asteure. E 1916, Jules Destrée aveut ledjirmint agranci dijhant ki li Beldjike esteut uniye come ene nåcion pindant li Guere 14-18.^[10]

Asteure

E 2017, sacwants dislaxhiveus walons avént sopoirté les dislaxhiveus catalans, avou on metinge a Brussele.^[11] Ces dislaxhiveus walons avént acertiné, come li Catalogne avou li Sipagne, ki les walons estént on pitit peupe del Beldjike ki sont dismepréjhî på les flaminds. On djournå sol waibe, La Revue Toudi^[12], shonne esse d' acoird avou 'l dislaxhaedje del Walonreye. Po les politike pårtis, i fåt rloukî dzeu.

Politike pårti

Rapoûlaedje walon

Li "Rapoûlaedje walon" ([FR] Rassemblement wallon) a sti ahivé padvant les eleccions d'1968. Cisse parti esteut impôrtant dins lès anêyes 1970. Il a ossu aidi å "redjonalizer" li Beldjike pindant el govienmint Tindemans. Mins nerén cwand Paul-Henri Gendebien (ki asteure est 'l prezidint do Rapoûlaedje Waloneye-France) esteut divnou prezidint, i gn' aveut yeu brånmint di divizaedje dins 'ç pårti, po çki gn' aveut brånmint diferins clintchas. Å cmince, cisse pårti esteut purade socialisse.

Asteure li Rapoûlaedje walon, come li Rapoûlaedje Waloneye-France, est favoråbe å "ralaxhîaedje" dål Waloneye al France.^[13] El actouwel prezidint est Laurent Vandamme.

Lisse des pårtis

Gåtche

Wallonie Insoumise -- Walonreye nén-doumiesse.^[14]

Foete droete

[FR] -- Tradujhaedje è Walon^[15]

AGIR -- ADJI

ADJI^[16] a sti creyé è 1985, èç pårti acertine d' avni lès droets dès omes ey il acertine ki li charia n' avni nén cès droets.^[17] Èl actouwel prezidint est Salvatore Nicotra.

Nouvelle Alliance Francophone -- Novele Francès-cåzante Alyince

Nouvel Élan Wallon -- Novea elan walon

Èl waibe då pårti n' avize nén d' esse rapontié dispoy 2011.^[18]

Parti républicain wallon -- Republikén pårti walon

Èl Républikén pårti walon a sti creyé è 1999, il ashît å Trejhniye (Courcele, province do Hinnot).^[19]

Wallonie d'abord -- Waloneye aprume

Èl waibe n' est nén disponibe.^[20]

Referinces eyet sourdants

[1] ttps://fr.wikipedia.org/wiki/Ind%C3%A9pendantisme_wallon

[2] ttps://www.levif.be/actualite/belgique/depassons-l-impasse-belge-la-wallonie-doit-s-assumer/article-opinion-1247835.html

[3] www.knack.be/nieuws/belgie/brussel-liever-onafhankelijk-als-belgie-barst/article-normal-90649.html

[4] ttps://www.rtl.be/info/magazine/c-est-pas-tous-les-jours-dimanche/pourquoi-la-scission-du-pays-est-elle-impossible-pour-michel-de-maegd-bruxelles-c-est-le-coeur-du-pays-on-ne-sait-pas-diviser-un-coeur-en-2-sinon--1189453.aspx

[5] ttps://www.7sur7.be/economie/une-wallonie-independante-serait-une-catastrophe~a14918df/?referrer=https://wa.wikipedia.org/

[6] ttp://www.rwf.be/?p=5005

[7] ttps://www.lefigaro.fr/international/2010/06/24/01003-20100624ARTFIG00627-un-tiers-des-wallon-prets-a-devenir-francais.php

[8] ttps://www.levif.be/actualite/belgique/une-wallonie-independante-est-viable/article-normal-15905.html

[9] ttp://www.histoire-des-belges.be/au-fil-du-temps/epoque-contemporaine/lettre-au-roi-sur-la-separation-de-la-wallonie-et-de-la-flandre

[10] ttp://www.histoire-des-belges.be/au-fil-du-temps/epoque-contemporaine/lettre-au-roi-sur-la-separation-de-la-wallonie-et-de-la-flandre

[11] ttps://www.sudinfo.be/id25473/article/2017-12-07/des-independantistes-wallons-aux-cotes-des-catalans-video

[12] ttps://www.larevuetoudi.org/

[13] ttp://www.rassemblementwallon.be/

[14] ttps://www.lalibre.be/belgique/politique-belge/la-wallonie-insoumise-le-nouveau-mouvement-politique-59500feacd70e30bb28af073

[15] ttps://fr.wikipedia.org/wiki/Liste_des_partis_politiques_belges_francophones

[16] ttps://parti-agir.be/

[17] ttps://parti-agir.be/les-bonnes-raisons-pour-agir/

[18] ttp://nouvelelanwallon.e-monsite.com/blog/

[19] ttp://partirepublicainwallon.be/

[20] ttp://www.walloniedabord.be/Programme.aspx?PageContentMode=1

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]