Willy Marchal

Willy Marchal, c' est on bouteu pol walon, k' a redjårbé sacwants tchansons e walon, k' i tchante dins les etrevéns ås waloneus.

Willy Marchal

Skepiaedje	8 di decimbe 1939
Activités	scrijheu

WIKIDATA

mostrant li tnaedje avou ene aburtale d' ene harpe ås toutches ås scoles di Bive

Il a skepyî a Ingzêye li 8 di decimbe 1939.

Willy Marchal, c' est l' fi da Daniel Marchal, k' a scrît kékes bokets e walon eplaidîs so Wikisourd.

Vicåreye

Il a crexhou a Taviè.

Di s' mestî, el esteut prof di djim a Bure. Adon il a stî dmorer a Moirmont

Come pasmint d' tins, il est eto on lutî.

Ouve pol walon

I rashonna les scrijhaedjes di s' pa, ripubliyîs so l' Aberteke.

Come sicrijheu, i sina sacwants tecses di prôze nén racontrece dins l' Rantoele-gazete, et fé des «cours pa les scolîs» ås scoles di Bive. Il esplica eto l' lutreye sol tévé walon-cåzante. C' est la k' i gn a eto des rapoirtaedjes so ses tchansons.

Ses tchansons e walon, riscrîtes so des viyès tchansons e francès, avént stî eredjistrêyes so ene stroete plake pa Jany Paquay do tins di l' emission 900.000 Walons. Mins ele n' a måy sitî spårdowe.

I djowe voltî del guitåre tot tchantant ses redjårbaedjes di viyès tchansons francesse, dins les copinreyes (Tchårnoe, Rotchfoirt, Libin.

E 2020, i va rescontrer on clarinetisse, Leyon Jacot, et s' vont i cmincî a fé des concerts eshonne. Å cmince po distreyî les djins tins des recloyaedjes del parminêye 2020-2021.

E 2023, i va fé rexhe ene novele sitroete plake, lomêye simplumint «Tchansons e walon».

• 
  esplicant l' plan d' ene vierlete
• 
  avou Julos Beaucarne

Hårdêyes difoûtrinnes

Videyos

Videyos (sol Tévé walon-cåzante)

• Esplikêyes del lutreye
• Les bråvès djins (redjårbaedje del tchanson po l' Åviernat da Georges Brassens)
• Li voye do bribeu (redjårbaedje d' ene tchanson da Gaston Couté et Maurice Duhamel)
• Harbouya (Harbouya, viye tchanson e walon)
• Al guinguete di Han (so èn air di tchansons e francès)

Scrijhaedjes

• Li Wiccionaire si rsieve di sacwantès fråzes da Willy Marchal po-z enimådjî des mots k' i gn a.
• Vos trouvroz des racsegnes so les ouves da Willy Marchal, u les ouves zeles-minmes, so Wikisourd e walon.
• (rifondou) Pådje di scrijhaedjes da sinne et di s' pa (so l' Aberteke)
• Pådje di scrijhaedjes da sinne (mwaisse modêye) (sol waibe "Li walon d' emon nozôtes")
• Ôte ramexhnêye (so "Berdelaedjes")

Eredjistrumints

Ciddé, vos ploz schoûter èn eredjistrumint del fåve do vî vî tins «Li bijhe et l' solea» ratournêye par lu avou l' accint d' après Ingzêye pol Djåzant atlasse éndjolike des lingaedjes di France et d' avår la.