Wikipedia

Chanson pour l'Auvergnat (tchanson e francès)

Li Chanson pour l'Auvergnat (tchanson po l' Åviernat), c' est ene rilomêye tchanson da Georges Brassens.

Imådje:Waitroûlêye bråvès djins wlntv.jpg
Redjårbaedje da Willy Marchal, sol Tévé walon-cåzante

Li tchanson a stî redjårbêye e walon pal Julos Beaucarne, Willy Marchal et co ds ôtes.

Ratournaedje da Julos Beaucarne

candjî
Merci bråmint des côps
Merci bråmint des côps, Flamind
D' Inguî pol boket d' bos po rén
Ki tot etir m' a restchåfé
Cwand dj' aveu froed dins mes solés
Vinoz dlé l' estouve k' avoz dit
Ene djate di cafè, nd a co bén
Cwand les cråxhoulet pixhelét
M' avént cloyou l' ouxh d(i)zo les iys
Resploe
Bén seur ça n'esteut nén bråmint
Mins dj' esteu binåjhe tot in ddins
Ådjourdu dji pinse co todi
A ç' pitit boket d' paradis
Flamind d' Inguî, way, cwand vos frez
El coutrumea, årvey daler
Vos diroz fele
Come ene mamjhele
Å Pere Eternel
II.
Merci bråmint des côps comere
Pol boket d' pwin yet l' pitit vere
Ki tot etir m' a rmis d' astok
Cwand dji flotéve divins m' paltot
Cwand les cråxhoulet pixhelét
Les målåjheys, les bén rimplis
Scrans d' s' impansner disk' å goyî
Riyént tot d' èm vir disbåtchî
Bén seur ça n'esteut nén bråmint
Mins dj' esteu binåjhe tot eddins
Ådjourdu dji pinse co todi
A ç' pitit boket d' paradis
Comere cwand î vos fårè fé
El coutrumea, årey daler
Vos diroz fele,
Come ene mamjhele
Å Pere Eternel
III.
Merci bråmint des côps, ptit fi
A vos, ptit djonne di barakî
A vos, ki a divnou tot drole
Cwand l' tchampete m' a mis dins ene gayole;
Cwand les cråxhoulet pixhelét
Dijhént tot djusse po m' espotchî,
Arlicotant leus ragaguetes
Avou des airs di pun d' copete.
Bén seur ça n'esteut nén bråmint
Mins dj' esteu binåjhe tot eddins.
Ådjourdu dji pinse co todi
A ç' pitit boket d' paradis.
Barakî cwand vos fårè fé
El coutrumea, årvey daler,
Vos diroz fel
Come ene mamjhele
Å Pere Eternel

Hårdêyes difoûtrinnes

candjî
Prin del pådje «https://wa.wikipedia.org/w/index.php?title=Chanson_pour_l%27Auvergnat_(tchanson_e_francès)&oldid=308494»