Drovi l' mwaisse menu

Tévé waloncåzante

(Redjiblé di Tévé walon-cåzante)
plake fwaite avou ls emissions 2008 (dessén da José Schoovaerts)

Li tévé waloncåzante (pacô spotêye Youtube-RTW), c' est ene tchinne di videyos, pår e walon, eplaideye so Youtube.

L' idêye a stî enondêye pa Pablo Sarachaga e 2007.

Li mwaisse adierceu del tchinne, c' est Lucyin Mahin.

Ådvins

ContnouCandjî

 
Rapoirtaedje sol fåkinreye

Gn a des rapoirtaedjes la ki les djins cåzèt e walon, int di zels des respondas di waloneus udon d' ôtes walon-cåzants.

Gn a eto des tchansons e walon. Ons î trove eto des rapoirtaedjes foû payis, aprume e Marok. Adon, si djins n' cåznut nén walon, i sont, soeye-t i sortitrés, soeye-t i doblés avou on djåzaedje e walon.

Les muzikes di fond provnèt sovint des tchansons da Urinda Hernandez (li feme da Yves Paquet) oubén del plake Emacralaedje prodûte pa Pierre Otjacques et l' Rantoele.

SortitraedjesCandjî

 
Sortitraedjes

Les cåzaedjes e walon sont sovint sortitrés e rfondou, do moens les passaedjes ene miete målåjhey a comprinde, ou wice ki l' cåzeu eploye des ratourneures coinreces. Si l' cåzaedje rishonne foirt å francès, on nel mete nén e sortite. Des côps k' i gn a, li tecse est åjhey a trover e sistinme Feller (metant il est ddja sol videyo), et s' est i leyî insi.

ImådjeteCandjî

 
imådjete

L' imådjete del tévé walon-cåzante est fwaite avou les letes MTV (Mahin TV). Ele n' est nén metowe so totes les videyos.

Sacwants videyosCandjî

 
Egzimpes d' emissions, å cmince del tchinne

Hårdêyes difoûtrinnesCandjî