Responda

Resconte inte on gaztî (dimandeu) et ene djin k' on lyi dmande cwè (Respondeu)

Wiktprintable without text.svg

Po des linwincieusès racsegnes sol mot "responda", alez s' vey sol Wiccionaire

On responda (on eploye eto li calcaedje di l' inglès eterviou), c' est èn ovraedje di gaztî, la k' i va dmander totès sôres di kesses a ene rilomêye djin.

responda di des studiants romanisses po les scoles di sociolinwince da Michel Francard (Bietris, 2000)
prumî responda eplaidî dins ene gazete e walon

Li responda, c' est eto li mwaisse tecnike del sociolinwince.

Li responda n' est nén l' minme kel ploncaedje e l' opinion, la k' on n' dimande ki des kesses simpes, a ene cåkêye di djins.

Kékès dnêyesModifier

Li gaztî est lomé li dmandeu(se) (on dit eto: eterviouweu) et li ci k' on lyi dmande cwè et kesse: li respondeu (on dit eto: interviouwé).

Li gaztî mete cobén ådzo d' on responda: ramexhné pa (avou si no).

On responda del minme djin e minme tins pa ene troplêye di gaztîs, ça s' lome ene conferince respondrece.

Tecnike do respondaModifier

Li gaztî va djåzer avou l' respondeu, et scrire les mwaisses idêyes des responses so ene foye di papî. Des cis k' i gn a, il eredjistrèt, mins ça prind dipus d' tins après po rmete so papî.

On responda di ene eure ene eure et dmey va dner on papî d' ene dimeye pådje di gazete.

Des politikîs u des gros, il evoyèt cobén ås gaztîs les kesses k' i vlèt k' on lzî dmande.

Si on gaztî s' a brouyî dins ses papîs, et fé dire å respondeu ene sacwè k' i n' a nén dit, i s' pout rtourner siconte di lu. Ça pout minme aler å tribunå.

L' eplaidaedje di respondas dins les gazetes e walonModifier

Droldimint assez, gn a måy yeu des respondas dins les gazetes e walon divant les anêyes 1990. Ene des prumires gazetes a aveur eplaidî des respondas, c' est Li Rantoele, dins si limero 2 d' ivier 1996-1997

Li Chwès a shuvou l' mouvmint.

El Bourdon a on côp eplaidî on responda da Willy Bal e walon, mins k' aveut stî fwait pal soce Li Coirneu di Hu.

Hårdêye difoûtrinneModifier

  so Wikisourd: Categoreye:Respondas (Pådje avou tos des tecses bastis sol piceure des respondas)