Walipicård del Bote do Hinnot

Li walipicård del Bote do Hinnot, c' est ene troke di pårlers del Bote do Hinnot, et del contrêye del France djusse astok, målåjheys a rindjî come walon u come picård.

Mape Alphonse Maréchal (1926) ki mete ci payis la avou l' walon

mape David Descamps ki rtaeye co sol walon do Coûtchant et leye li Bote å picård

Sacwants scrîts sourdants

• pårlers d' après Chevri et Rance :
  • scrijhaedjes da Maurice Herlin
  • motlîs da Michèle Herlin
  • fåves da Georges Ducarme
• pårler d' Coussour : scrîts da Jean Lagaume
• pårler d' El Rû : scrîts da Joseph Faucon

Sacwants piceures

Loukîz a : Coussour: lingaedje do payis

Mape des accints do mot tchapea mostrant li cogne gatebok "tchapiau"

Li cawete -iau picåde, bén ricnoxhåve, li freut mete come picård.

Mins gn a toplin des traits nén picård, come li wårdaedje des S tipicmint walons (strannè), et do son dj.

On mot gatebok tipike: tchapiau (betchete walone et cawete picåde)

Li spotchåve voyale est picåde (é). Ele si rtrouve eto dins toplin des mots respondant al voyale walone “è”

Egzimpes:

• betchete er-: érloyié (erloyî = èrloyî)
• cawete -ete: coupétte (copete = copète)
• dé (di); dés (des = dès); éié (eyet); él (el); qué (ki = fr. que); il é-st-à l’uche (il est a l’ ouxh =il è-st-a...); awé (awè)
• résponde (responde = rèsponde); péchon (pexhon = pèchon / pèhon); réper (reper = rèper); pérfond (parfond)
• coron -ès des addjectifs femrins pluriyals metous padvant: dés longués années (des longuès anêyes).

Prezince, come e walon, des viebes del deujhinme sôre: saccadgîe (sacadjî); agritchîe (agritchî) + stîe (stî) Li cawete -î des sustantifs est hanzinante: vo vié papî (vo / vosse vî papî)

Repetaedje d’ on sustantif pa on prono (come e picård) “Tout d’mème ! gn’y a pwins d’ bon sin” ieu dit l’ live ås moulons (mot po mot: lezî dit l’ live ås molons)

Rishonnances avou l’ Coûtchant walon

• motlî: nindje, todi “dsu” (nén “so”)
• accint di mots corants: êjilmint (åjheymint)
• oyon O/OU dizo l’ disfondowe “ou”: moulon (molon)
• prezintoes d’ apårtinance singulî des cåzants et atôtchîs: no, vo
• betchfessî én dizo disfondowe “én” is avéint (il avént); béin (bén); néin (nén)

Rishonnances avou l’ walipicård del Lovire:

• coron des rwaitants do NDIE: i réspondir-té (i respondît); lés nouviaux ramons ramon-té (ramonèt / ramonnut)
• motlî: l’ainsi (linsi)
• pronon pårtixhrece “in” (è)

Rishonnances avou l’ gåmès:

• infinitif del prumire troke: routéy (roter); péléy (peler), tournéy (tourner)

Motlî picård:

• pwins (pont)

Hårdêye divintrinne

Aschates walon-picård