Tchapea

Pol discramiaedje des årtikes avou l' mot « Tchapea », loukîz cial.

On tchapea, c' est on mousmint, assez roed, k' on mete so s' tiesse, pol waeranti do solea u del plouve, udonbén pol wårni. Il a ene pene tot åtoû.

tchapea di strin

sifwait modele, so èn otoportrait de José Schoovaerts

Motlî

Les tchapeas d' femes estént fabrikés pa les modisses. Les cis d' omes dins des tchapelreyes.

Les tchapeas di strin estént fwait dinltins pa les tchaplîs. Henri Frenay, on scrijheu e walon, a studyî li motlî des fjheus d' tchapeas di strin, avou l' aidance da Djan Haust.

Sôres di tchapeas

Gn a des sôres di tchapeas come:

• les tchapeas-buzes: ki montèt foirt hôt a môde d' ene buze.
• les tchapeas-mlons u tchapeas-boles: tot ronds
• les tchapeas d' solea u tchapea d' esté

Dins les belès letes e walon

Gn a ene bele sinnete avou l' tchuzixhaedje d' on tchapea pa ene kimere dins Zande et Twenete (raconté pa Henri Matterne.