Séntru-Loumay

Séntrë-Loumåy / Zittert-Lummen

Séntru-Loumay (la-minme e sistinme Feller, Séntrë-Loumåy (fr) Zétrud-Lumay; (nl) Zittert-Lummen), c' est èn ancyin ptit ban del Walonreye, rebané avou Djodogne, e l' province do Roman Payis.

(wa) Séntru-Loumay – Séntrë-Loumåy
(fr) Zétrud-Lumay

(Detays)
L' eglijhe do ptit ban.
Lingaedje oficir	Francès
Lingaedje coinrece	Walon do Mitan
Limero diyalectolodjike	Ni 17
Limero del posse	1370 (asteure) 5907 (1969-1977)
Spotaedje des dmorants	?
Eplaeçmint	- Djodogne - Arondixhmint di Nivele - Province do Roman Payis - Walonreye - Beldjike
Sitindêye	?
Peuplåcion (2023)	?
Dinsité (asteure)	/
Coisse d' eure	ECG (ECG+1) / CEST (UTC+2)
Preficse telefonike	(+32) 010

Djeyografeye

Metou sol frontire Walonreye-Flande, astok di Hougår et d' Outchår.

Istwere

Ciste intité la egzistêye dispu l' Mîtrinne Ådje. Elle est fwaite do viyaedje di Séntru et do hamtea d' Loumay. Les deus viyaedjes estént èn alou del famile «di Séntru», k' esteut waslet do conte di Nameur. Dabôrd di ça, c' esteut on teritwere namurwès esseré dins l' dutcheye do Braibant.

Dizo l' redjime francès, Séntru-Loumay esteut dins l' comene d' Outchår, metowe dins l' dipårtumint del Tîle li 23 d' may 1810. Mins Outchår divna pus peuplé k' Séntru e 19inme sieke, c' esteut ene pårotche a pårt. Les Outchårîs fijhît ene peticion e 1891. Les djins fourît d' acoird po schåyî l' comene, mins li bate di dvizes ni s' cloya ki l' 22 d' djulete 1922. Séntru-Loumay et Outchår divnént deus comenes, di l' arondixhmint d' Lovén. Li hamtea d' Tchapeavå (Chapeauvau, Kappendal) aléve avou Outchår (mågré des nos d' plaece walons u maxhîs walon-flamind, mins sins måjhons dins cisse coine la, ca l' cinse leye-minme di Tchapeavå est so Élessene).

E 1962, ele vina dins l' arondixhmint d' Nivele, e l' rebanêye comene di Djodogne, såf li hamtea d' Éljhi (Elgy, Elst) k' ala dins l' rebanêye comene di Hougår.

Toponimeye

Les nos d' plaece di Séntru-Loumay sont bråmint di stok flamind, mins ont stî rwalnijhîs.