Jean Fauconnier

Jean Fauconnier (riwalnijhåve Djan Fåcnî) a skepyî e 1915 ey a morou e 2000.

Djan Fåcnî croxhî pa Gustave Camus (1935)

C' esteut on sicrijheu e walon, k' a prins pacô el no d' pene di "Li Nûton" (l' Nuton).

Foû do walon, il a stî eto on rcwereu so l' istwere coinrece di Tcheslet, et on scrijheu ezès gazetes e francès (La Lanterne) ey e walon (Al Tchandele, El Bourdon).

Di s' mestî, esteut prof di francès.

Ouve pol walon

Ci fourit a côps on fijheu d' paskeyes: “L' efant k' a stî pierdou” (1940), “Li blanke dame” (1942), on ratourneu e walon d' on roman e picård “Les Pansård” (1945), on fjheu d' pîces di teyåte “L' 810” (1951), “L' Grelé” (nén eplaidî), ey on fjheu d' rimeas “12 tchansons” (1980).

Corwaitaedje di si ouve

Il a stî onk des rcandjeus do stîle des scrijhaedjes e walon, comincî diviè 1940 e Payis d' Tchålerwè, dizo l' enondance da Émile Lempereur.