Motî Louis Marcelle so les nos des plantes et les mots d' botanike

(Redjiblé di G100)

Li Motî Louis Marcelle so les nos des plantes et les mots d' botanike ki s' vraiy no, e francès, c' est Nom de plantes et vocabulaire botanique français-wallon, c' est on dobe motlî (francès-walon, pu walon-francès), ki ramexhnêye les nos walons di totes les plantes et pårteyes di plantes ki sont ddja dins des ôtes motlîs et motîs.

G100 wa (plantes Marcelle).png

Il est eplaidî pal province di Nameur e 2016, avou l' aidance da Joëlle Spierkel, Maryse Mathy et Michel Fautsch.

Après l' franwal, gn a on walfran ordinaire, mins avou djusse ene pårteye des mots walons, riprins dizo l' rahouca G100 del djivêye des motîs do walon.

On l' pout eto rahoukî come franwal dizo essegne FG100.

Motîs et motlîs sourdantsModifier

Ricnoxhance des plantesModifier

Tchaeke plante est ricnoxhowe sincieuzmint avou s' no latén.

OrtografeyeModifier

Des côps, li scrijheu rcopeye l' ortografeye des motlîs sourdants. Metans pol motlî Lejoly.

Mins des ôtes côps, il aplike des rîles d' ortografeyes aplikêyes e 21e sieke pa l' ALWAC. Metans, gn a pont d' loyeures dins les sustantivires.

  • Dianthus barbatus: G100: boukèt tot fêt (BJ = E9, JFN = E150) bouquèt tout fét (Dasc) = O85); mins dins les sourdants: boukèt-tot-fêt E8; bouquèt-tot-fait E150; bouquèt-tout-fét O85.

Po les ortografeyes di dvant Feller, ele sont rerîlêyes e sistinme Feller]]: boukèt tot fêt (ZAK = E125); dins l' mwaisse sourdant: bouket to fait (disfaflotaedje et rsaetchaedje des halcrossès cossounes å coron).

Hårdêye difoûtrinneModifier