Motlî Lejoly d' Ôvîfa
Eléments du Wallon d'Ovifat
Li Motlî Lejoly d' Ôvîfa[1], ki l' tite e francès, c' est Eléments du Wallon d'Ovifat, c' est on motlî walon scrît tinme pa tinme avou l' accint d' Ovîfa. Il a stî rashonné pa Manfred Lejoly, ki l' eplaida lu-minme e 2001.
Gn a on bea adrovaedje da Renée Sedyn.
Il est rprins sol limero [E165] dins l' djivêye des motîs do walon.
Clasmint candjî
Les tinmes sont aboirdés onk après l' ôte, des tinmes etnolodjikes (l' ome, les amagnîs, les maladeyes, les mousmints), pu des tinmes di croejhete (årtikes, pronos, adviebes...).
Gn a eto del toponimeye, foirt ahessante, pask' ele dene eto des nos e walon di viyaedjes et d' ôtes toponimes do payis tîxhon-cåzant.
Målureuzmint, n' a nol indecse al fén po poleur ritrover tos les mots eployîs.
Ortografeye candjî
L' ixh-låte sicrît "hy" dins l' Motî Toussaint, est rindou pa "sh" ey est rsintou come li son ch (/ʃ/).[2]
Li son dj est scrît "-dg" (rindou pa "dj" dins l' Toussaint).
Li betchfessî å est scrît "an" ("â" dins l' Toussaint).
Coviete candjî
Li berå k' on voet sol coviete provént do spotaedje des dmorants d' Ovîfa (les Baras). Et nén del fåve etimolodjike come cwè li mot "Ovîfa" provénreut do latén "ovis". Mins ci n' est nén espliké dins l' live.[3]
Hårdêye difoûtrinne candjî
Hårdêye difoûtrinne candjî
Li Wiccionaire si rsieve di sacwantès fråzes da Motlî Lejoly d' Ôvîfa po-z enimådjî des mots k' i gn a.
Sourdants candjî
- ↑ Gn a èn ôte gros motî d' Ôvifa, li motî Toussint.
- ↑ Dins ses scrijhaedjes d' après l' motî, li scrijheu ortofrafeyrè ci son la «ch».
- ↑ Manfred Lejoly, Li Rantoele l° 58, esté 2011.