Faw
On faw (on dit eto: ene få , on fawea, on fawî, on faynî, ene hesse), c' est èn åbe ki crexhe dins les bwès del Walonreye et ôte pårt e l' Urope.
Sincieus no d' l' indje : : Fagus sylvatica
Les mots "faw", "hesse" et leus parints si rtrouvnut sovint dins les nos d' plaeces del Walonreye.
MotlîModifier
Ene pitite hesse si lome ene hestrele ou fawele.
DiscrijhaedjeModifier
I pout monter 30-40 metes hôt, avou sovint ene bele tronce bén droete, ki sieve al munujhreye po fé sovint des meubes, des montêyes, des tcheyires, des tchames di rowes, des biyots d' botchî.
Il a des grinnes a troes costés, k' on lome des fayenes, come li boûkete. On-z è tiréve di l' ôle po s' loumer.
Avou l' houpî, on fwait do bon bwès d' tchåfaedje.
Les fawenes vikrént voltî so les faws.
candjmint d' coleur des foyes di faw e waeyén-tins
Rodje faw e l' erî-såjhon
hesse aflaxheye / schinetes / stok / coxhlaedje
djama so ene fawele
FayisModifier
On fayi, c' est on bwès d' faws.
Ecolodjicmint, on fayi, c' est on bwès avou waire di sôres di plantes, årvier des taeyes.
Sôres di hessesModifier
El France, do costé d' Rénse (Reims), on trouve çou k' on lome li få d' Verzi, e francès Faux de Verzy.
