Bwès d' tchåfaedje
Li bwès d' tchåfaedje u bos d' rasse[1], c' est des åbes k' on-z abate dins les taeyes, et k' on rcepe sovint a bokets d' on mete, pu rfinde a schenes. Les pus ptitès coxhes ki n' sont nén rfindowes si lomnut les rondins.
Li bwès d' tchåfaedje, c' est ene nén spoujhåve enerdjeye.
Sôres d' åbes
candjîLi bwès d' tchåfaedje, c' est bråmint des hesses, des tchinnes, des beyôles, et des pus råles åbes come les tchårnales, les ôneas, evnd.
Po les tchinnes et les faws, on fwait eto do bwès d' tchåfaedje sol houpî
Les åbes å tinre bwès, come les sås, les plopes, les sapéns les frinnes polèt siervi eto d' bwès d' tchåfaedje, mins i n' tchåfèt nén bén.
Les rondins k' on breni ni tchåfnut nén si bén ki les cis k' ont stî bén sonnés.
Muzeure
candjîLi bwès d' tchåfaedje si mzeuréve bråmint e coide, mins asteure, bén pus sovint e stere.
Sourdants
candjîEl Walonreye, e bråmint des viyaedjes, les dmanants riçuvnut des pårts di bwès d' tchåfaedje des comenes, k' on lome les manêyes.
Alouwaedje do bwès d' tchåfaedje
candjî
Ene sitouve ki tchåfe ene måjhon (ene u deus plaeces bas) alowe a pô près 10 coides di bwès d' tchåfaedje l' an.
Ene tchôdire å bwès, avou d' l' aiwe tchôde, ki tchåfe 3 a 4 tchambes alowe åk come 18 coides so l' anêye.
Pris do bwès d' tchåfaedje
candjîLi tåvlea ki shût dene li pris d' ene coide (2 metes cubes) di schenes avou on pô des cleperes, bén metowe po esse tcherieye evoye dins on viyaedje la kl' i gn a des taeyeus å bwès (Transene), et l' pris do dierin atchteu, a Brussele.
| Anêye | Pris del coide (€) Transene | Pris del coide (€) Brussele |
|
|
|
|
|
|
|
|
|
|
|
|
|
|
|
