Taeye (di bwès)

Pol discramiaedje des årtikes avou l' mot « taeye », loukîz cial.

Ene taeye (on dit eto: ene rasse, ene virêye, ene håye), c' est on bwès avou bråmint des sôres d' åbes (côrîs, beyôles, tchinnes, sås, tchårnales, des bwès d' poye, håvurna, evnd., mins nén des faws, metans) k' on-z abate tos les trinte cwarante ans, tot leyant sacwants beas åbes å mitan.

Ene hourêye di côrîs dins ene taeye

Istwere

Istoricmint, les taeyes, c' esteut l' prumî sistinme po dner les manêyes ås djins. Li mot "virêye" mostere ki ci pårt di bwès la esteut eployeye troes ans å long, li deujhinme anêye pol sårtaedje, li troejhinme anêye pol soyaedje des djniesses.

Ecolodjeye

Ecolodjicmint, c' est l' meyeu des ecosistinmes des bwès, ki leye viker onk astok di l' ôte toplin des sôres di plantes et d' biesses. C' est ene des sôres di bwès d' åbes ås toumantès foyes des payis timperés.

Economeye

Ene boune taeye, ça dene ene coide di bwès a l' åre. Mins economicmint, ça n' rapoite nén assez, et end a todi moens, do moens el Walonreye.

Droet

El Walonreye, li bén-fond des taeyes, c' est å pus sovint dås comenes, mins end a eto da des pårticulîs.