Disambig.svg Pol discramiaedje des årtikes avou l' mot « Côrî », loukîz cial.

Wiktprintable without text.svg

Po des linwincieusès racsegnes sol mot "côrî", alez s' vey sol Wiccionaire

Li côrî (on dit eto : noejhî, noejhtî), c' est on bouxhon ki crexhe dins les bwès et les hourleas des payis timperés. I vént a totès djetes ki crexhèt ene dilé l' ôte, a stoclêyes; on lome çoula ene hourêye ou on topet d' côrîs.

hourêye di côrîs
Minousses

No d' l' indje e sincieus latén : Corylus avellana

Les fleurs måles ki rexhnut e moes d' måss sont lomêyes les minousses.

EcolodjeyeModifier

Les côrîs crexhèt pus voltî so les pindants des tienes, nén so les dzeus.

On bwès d' côrî, c' est ene biyonaxhe. Il î vike des biesses a pårt come les rinnes côrreces.

EployaedjeModifier

I dene des noejhes (des noejhetes) ki sont schayetes e moes d' octôbe (el Walonreye).

Dinltins, on-z aléve code ås côres so les côrîs å moes d' nôvimbe, po fé des schinons. On è pout fé eto des mantches d' usteye.

Mins les côrîs ni sont nén gros assez po esse côpés come bwès d' tchåfaedje dins les manêyes.

ToponimeyeModifier

Ene taeyes avou bråmint des côrîs si lome on côroe u ene côrete, mins gn a eto mwints ôtes vî vîs nos.

Les parints do mot "côrî" sont foirt corants, dins les nos d' plaeces del Walonreye.

I gn a so les cmons Wikipedia des imådjes ou fitchîs son a vey avou les côrîs .