Rowe di bwès
Ene rowe di bwès, c' est ene rowe k' est fwaite avou des pîces di bwès, retourêyes di cekes di fier.
Motlî candjî
Pol rowe di bwès bén tni eshonne tot rôlant, on l' bastixheut a môde di paraplu : c' esteut li scussiaedje.
Les rowes estént emantchêyes på tchårlî, pu ferêyes på marixhå. C' esteut eto l' marixhå ki cretléve les moyoûs.
Les rowes di bwès polént esse ritchamlêyes.
Les pîces del rowe di bwès candjî
- li moyoû, avou les troes cretes et l' wesse.
- li djante : fwaite di tchames, rascovrowes do bindaedje.
- les rais
-
tchame
-
wesse di fier
-
wesse di bwès
-
ritchamtêye rowe
Fijhaedje del rowe di bwès candjî
Li scussiaedje candjî
Po lûter disconte li foice foûtrinnrece, ki tchesreut les rais ådfoû cwand l' rowe toûne, ces-ci vont esse metous pus ådvins d' on plan d' aplon dins l' moyoû ki dins les tchames. Insi li rowe a ene cogne di paraplu. Cist ovraedje la si lome li scussiaedje u årvolaedje u rviersaedje. Li rzultat, c' est li scussia ou scussiaedje ou scusse ou cronke. Li tchårlî doet aveur li piceure po fé on bon scussia. Mins cwand li scussiadje est trop foirt, li rowe «fwait l’ paraplu».[1]
Hårdêye difoûtrinne candjî
- Tecse tecnike so les rowes di bwès (da Louis Baijot) (so l' Aberteke)