Eviè Nonne (noveles)

Eviè Nonne, c' est l' tite d' ene ramexhnêye di noveles da Lucyin Mahin, eplaideyes dins l' coleccion «Paroles do Teroe» do Muzêye do Pårlaedje e l' Årdene, e 2006.

Coviete d' "Eviè Nonne"

Li tite ni vout nén dire cial "aviè nonne", dins l' sinse di "sol côp d' midi, a l'eure del marinde", mins "tot ndalant eviè l' Sud". Paski nouv des dijh noveles si pasnut foû del Walonreye.

Contnou

Elle essinnèt tertotes des persounaedjes marokins u aldjeryins, mins, tenawete, gn a des Walons ki si vnèt stitchî dins les spoûles.

Li live est enimådjî pa des foirt nozêyès pondeures da Marie-Louise Mertz, k' a ddja bråmint bouté eshonne avou çou ki s' loméve co Musée de la parole au Pays de Bastogne.

L' adrovaedje a stî scrît pa Pierre Otjacques.

Totes les noveles sont ratournêyes e francès vizon vizu pa ene ekipe di tradujheus, ki c' est : René Georges, Jeanne-Marie Francis, Emile Pècheur, Willy Leroy, Olivier Esnault, André Demoulin, Jean-Pol Grandmont et Maddy Dorchymont

Divant d' ataker, on-z a droet a on pitit prezintaedje do rfondou walon.

Al fén do live, gn a on motlî de cmons nos, pu onk des nos prôpes, avou les nos etrindjirs. Gn a co sacwantès pådjes di croejhete.

Les scrijhaedjes e walon ont stî rispepyîs del ricoridjrece e rfondou UNIX/Linux adjinçnêye pa Pablo Saratxaga, et del ricoridjrece Microsoft-amiståve, amontêye a pårti del prumire pa Francis Baudoux.

Les ratournaedjes e francès ont stî carwaitîs pa Joël Thiry.

ISBN 2-930398-11-6

Corwaitaedje do live

da Joël Thiry, dins l' foyoû-rclame do live.

Atote ! On n' a nén sovint afroyî des sfwaits pazeas dins les Belès Letes e walon.

Ratote ! Li spoûle rapinse télfeye li vicaedje di tos les djoûs do scrijheu, mins eto si vicåreye avou les beas et les laids costés, et pa des côps, des emacralêyes (u estchantêyès) sacwès.

Et raratote! Li walon est l' ci k' on djåze el Walonreye.

Corwaitaedje des enimådjeures

Mareye-Louisse Mertz n' a nén yeu ses ouys e s' potche cwand elle a berlôré disk' å Marok avou ses broushes et ses pinceas. Ele nos a toirtchî cwate clapants dessinaedjes po-z enimådjî li ramexhnêye di noveles "Eviè Nonne".

Come cial, li "broûleu", on crapåd d' 13 ans k' a passé l' aiwe come clandestin dins l' cofe d' on cår, et ki s' ritrouve tot seu e l' Andalouzeye.

Loukîz ké fel côp d' pene po rinde on ptit viyaedje d' Andalouzeye, avou Gurnåde eyet l' Sierra Nevada dins l' fond.

Divins Li Rantoele l° 39.

Dijheyes di lijheus

• "Eviè Nonne" si leye lére åjheymint; tenawete, dji lé ene miete didins" (André Vanackere).

• Vosse live di noveles, c' est foirt plaijhant a lére eyet gn a plin d' ratourneures bén walones didins, c' est bén po-z aprinde a mia cåzer (Jean Cayron).

Hårdêye difoûtrinne

• Pådje do live (so l' Aberteke)