Joël Thiry

(e 2002)

Joël Thiry (e walon, Djowel Tiri), c' est on scrijheu e walon et on bouteu pol walon, k' a skepyî li 19 di måss 1957.

Di s' mestî, il est prof di sgondaire (pol francès) a Måtche-el-Fåmene.

Cårire pol walon

E 1999, il a rexhou "Magnaedjes di manaedjes" (Magnèdjes di manèdjes) (1999), des inketes francès-walon so çou k' les djins magnént li long d' l' Aiwe-d'-Oûte d' Oufalijhe disk' a Houton, del guere 1914-1918 disk' ås anêyes 1960.

E 2001, i vude "Zimtêye di boute-boutes", onk des prumîs lives di rcetes e walon. So les trinte-shijh manire di fé a magnî avou des cwayes.

E 2005, i rprind l' moennaedje do Muzêye do Pårlaedje e l' Årdene.

E 2008, il rexhe on live foirt a pårt : "Å ratind-tot".

Si prumî vraiye ouve di belès letes, ci serè po 2008 : "Doze femes", ki l' pindant, "Doze omes" va rexhe e 2011.

Li minme anêye, avou Djozé Schoovaerts po l' dessinaedje, il askepeye li persounaedje di Djustin Titôrvå (Justin Titorval).

Li djonne Djowel ritrové dins Titorval

Il a stî eto onk des adjinçneus (avou Chistian Antoine et Michel Terer) del waibe do Muzêye do Pårlaedje e l' Årdene (2013).

E 2014, i rashonne e-n on live totès viyès tchansons d' circonstances ramexhnêyes dins tote li Mîtrinne Årdene : c' est So tchants so voyes.

E 2017, i ratoûne e walon on live d' imådjes da Nadine Fabry, Luciye et l' noere rotche.

Hårdêye divintrinne

• Si pådje d' uzeu so Wiki

Hårdêyes difoûtrinnes

• Jowel Tiri come "Tchanteu d' après meynute" (a Tcheyou, li djoû do strimaedje di "Doze femes", so Youtube)
• Pådje avou sacwants d' ses scrijhaedjes (so l' Aberteke)
• Co sacwants scrijhaedjes (sol waibe "Li walon d' emon nozôtes")
• (fr) Waibe do Muzêye do Pårlaedje
  • Sacwants d' ses scrijhaedjes, aberwetåves