Professeur Titôrvå (binde d' imådjes)

Li Professeur Titôrvå (Profèsseûr Titorval), pus tård ricandjî a Totlravi, c' est on persounaedje di binde d' imådjes askepyî po des bédés e walon pa José Schoovaerts, so ene dimande da Joël Thiry.

Plantche parexhowe dins Li Rantoele l° 53 do bontins 2010

Prumî limero avou l' BD e Avni do Lussimbork, li 16 d' avri 2010

Siervaedje do persounaedje

Li no da Titôrvå vént del fråze : dji boereu voltî on ptit Ôrvå.

Il est purade kinoxhou pal binde d' imådjes k' a parexhou dins l' Avni do Lussimbork, pu come live eplaidî å Muzêye do Pårlaedje e l' Årdene e 2011. Ci fourit dandjreus li prumire binde d' imådjes creyeye pår e walon dins l' Province do Lussimbork.

Il est rprins sol cou-coviete di Singulîs.

Mins li persounaedje sieve eto pol Rantoele-gazete.

Istwere do persounaedje

Les prumirès sayes del bédé ont parexhou aprume dins Singuliers (l° 1/2010) et dins l' Rantoele-gazete (bontins 2010). Pu, a cmincî do 16 d' avri 2010, li vinrdi dins l' Avni do Lussimbork.

El Professeur Titôrvå s' a tchôkî e s' tiesse l' idêye di rmete Hegel e walon. L' istwere (36 pådjes) "Li sinsibe acertinance" s' a edåmé li 24 d' avri 2010 dissu l' arincrin emon "Toudi"... Et rexhe so papî dins l' Rantoele-gazete (l° 59).

Et, adonpwis, n' vola-t i nén ki l' djermale do Professeur si mete a berdeler tot hôt, a môde di ptit fime d' imådjes so Youtube.

Li binde d' imådjes Schoovaerts Thiry

Uzaedje di rclame po les etrevéns do Muzêye do Pårlaedje

Pal voye di cwate desséns, il est d' kession di fé passer ene fråze ki fwait rire et tuzer, sol modele do tchet da Philippe Geluck.

Li sinnario a stî atuzlé pa Joël Thiry, a pårti di sinnes k' il a viké dins si scole di Måtche-el-Fåmene. Et tot la k' i gn av des fåves ki s' racontént.

Li ravicaedje come Totlravi

Al fén di l' ovraedje-eshonne Schoovaerts-Thiry (2013), li persounaedje ravike avou on rodje costeume dins l' Rantoele-gazete (limeros d' 2013 eyet 2014) dizo l' ribatijhaedje "Tolravi". Avou des tecses walons da Djozé Schoovaerts, riscrîts e rfondou walon pa Lucyin Mahin.

Pu, avou on brune (des côps on djaene-vete) costume, divins l' binde d' imådjes Gama-coûte (2013). Pu s' shûte, Gama-coûte 2 (2017).

• 
  esplikêye sol sistinme des 4 desséns, a môde do Tchet da Geluck
• 
  spitch sol sicolaedje do walon (2015)
• 
  dins Gama-coûte 2 (2017)
• 
  so ene cou-coviete d' ene Rantoele, a môde di pope
• 
  so ene ôte cou-coviete, å dzo

Hårdêye difoûtrinne

• Come fime d' imådjes (so Youtube)
• Prezintaedje sins brut do prof et d' ses scolîs et scolresses (sol tévé des RABULèTS)
• Dins l' redjårbaedje da Hegel