Luciye et l' noere rotche (live d' imådjes)

Luciye et l' noere rotche (Lucy èt l’ Neûre Rotche), c' est on live d' imådjes eplaidî på Muzêye do Pårlaedje e l' Årdene e 2017.

Li mwaisse ovraedje e francès da Nadine Fabry a stî ratourné e walon (so les pådjes di hintche) pa Djowel Tiri.

C’ est l’ prumî live del coleccion po ls efants, ki s’ lome «Spitant».

Sourdants do live

Nadine Fabry est li ptite-feye del pondeuse Lucy Fabry, k' a-st aprins do pondeu Richard Heinz. Ci-la a fwait ene pondeure del Noere Rotche di Werisse.

Li spoûle do live mete el sinne ene pitite båshele, Luciye (mins ki dmeure ortografeye Lucy), k' est e vacances mon di s' grand-mame, a Sî (dilé Ferire), so l' Aiwe d' Oûte. Ele î va rescontrer on vî pondeu ki lyi va-st aprinde a ponde.

Tecnike des desséns

Les desséns Nadine Fabry, c' est des coleurs a l' aiwe, mins nén trop distrimpêyes.

Mins li mwaisse toele da Richard Heinz, c' est ene pondeure a l' ôle fwaite å coutea, come dit dins l' live:

Mi, i n' mi fåt ki deus ou troes pinceas. Et des couteas avou. I sont bråmint pus d' ahesse po moenner l' bataye (p. 10).

I dene eto si manire di ponde, metans èn nén prinde do noer:

Nén dandjî del noere pinteure. Si on maxhe do bleu, do rodje et do djaene, c' est tot djusse li boune coleur po fé rsinti mes sintimints (p. 8).