Foû des rays (emission)

Fous des rays

Pol discramiaedje des årtikes avou l' mot « Foû des rays », loukîz cial.

Foû des rays, riscrît e francès Fous des rays, c' esteut ene emission d' tévé, pår e walon, dinêye so Tévélux (tévé coinrece del province do Lussimbork).

Ele kiminça e moes d' setimbe 2019 et djoca e 2020.

Elle esteut acviernêye pa Michel Francard et ses aidants do Muzêye do Pårlaedje e l' Årdene.

Kitaeyaedje di l' emission

Les emissions tcherièt insi:

1. dressêye do djoû, pa Michel Francard et Pauline Thiry, les prezinteus d' l' emission.
2. Bate di dvizes avou l' priyî do djoû
3. Intermede d' on moenneu d' disdu (Christian Antoine u Jules Lucy), ki fwaiynut les cwanses di moussî e studio sins permission et mostrer ene sacwè did divinltins (vîwarisse u viye uzance).
4. Rapoirtaedje mon ene djin «foû mezeure» (ramasseu d' vizreyes, caytresse, coutiveu perma, tchocolatresse…), pa Joël Thiry et Michel Thérer (k' on n' voet waire, mins ki tént l' fimrece).
5. Prezintaedje do «banstea» avou des lives u des stroetès plakes a wangnî al fén d' l' emission (pa Simon Lejeune et Matthieu Balthazar)
6. Monsieu Meteyo, ki cåze do «tins k' i frè u ki n' frè nén tins do corant moes» (Pire Otdjåke).
7. Kesses del bate, ki poite so l' rapoirtaedje, et k' est årtchi-åjheye. On pout responde pa emile u sol waibe Fesbok «Tchafete et tchafiåds» (Tchafète èt tchafiauds).
8. Letes des rwaitants, s'il astchait.

Hårdêyes difoûtrinnes

• Pådje di totes les emissions
  • Prumire emission (moes d' setimbe 2019)
  • Deujhinme modêye (moes d' octôbe 2019)
  • Troejhinme passaedje (moes d' nôvimbe 2019)
  • Cwatrinme emission (moes d' decimbe 2019)
  • Cénkinme emission (moes d' djanvî 2020)
  • shijhinme emission (moes d' fevrî 2020)
  • setinme emission (moes d' måss 2020)
  • ûtinme emission (moes d' setimbe 2020)
  • nouvinme emission (moes d' octôbe 2020)