Å ratind-tot (live)
Å ratind-tot (Â ratind tot"), c' est on live e walon ene miete sipeciål. Il est fwait di ptits tecses da Joël Thiry metous djondant des portraits a l’ fene intche da Maggy Destrée di 40 rilomêyès djins del Province do Lussimbork. Rilomêye paski c' est des årtisses u k' il ovrèt dins des ovraedjes sociås ou culturels.
Kékès dnêyes sol live candjî
Tchaeke "gros colé" on côp relî va-st aveur on role a djouwer. C' est ci role la ki va esse dessiné et "croxhî" e walon.
Li live a vudî e 2008 dins l' coleccion Paroles do teroe do Muzêye do pårlaedje e l' Årdene avou sortite e francès «le bal démasqué».
Li strimaedje s’ a fwait a Måtche-el-Fåmene, avou ene pitite fiesse et ene espôzucion di tchinisses sintimintås des 40 vudetes.
Djins ki "djouwèt" dins l' live candjî
Gn a vola toirtchîs :
- des scrijheus e walon u fels waloneus :
- des acteurs di cinema :
- des scrijheus e francès
- des muzicyins
- des pondeus & dessineus
- des sculteus
- des teyåtreus
- des gaztîs
Corwaitaedje do live candjî
Li mwaisse idêye, c' est do rashonner des djins ki n' ont rén a vey avou l' walon, avou les waloneus. Po fé rexhe li walon di si "gueto".
Est çk’ on-z a adiercî s’ côp ? Schoûtans les impressions do mwaisse sicrijheu et adjinçneu di l’ « etrevén » :
- Dji pou djusse dire k' i gn a-st avou one bele assimblêye di 150 djins et one bele animåcion foirt varieye. Et çou k' a stou interessant, c' est k' on-z a fwait rescontrer l’ walon et les scrijhaedjes et les tchansons et les cåzetes e walon a sacwants djins ki n' î estént seur nén acostumés. Dji vou djåzer di bråmint des 40 ki sont dins l’ live, et les amisses k' il avént invité, et les parints des efants di l' atenêye di Måtche k' ont tchanté on boket.[1]
L' idêye d' adjinçnaedje candjî
C’ est totès ptitès noveles ki volnut raconter li veye d’ ene djin. Insi, gn a 40 persounaedjes di roman.
Asteure, les 40 vraiyès djins n’ ont rén a vey avou les istweres k’ on lezî dene li role a djouwer.
Sacwants pådjes candjî
Role da Olivier Gourmet candjî
Olivier Gourmet djowe li role do galant ki vént vey si amresse tins k' l' ome n' est nén la.
- Elle a rnetyî s’ måjhon
- Flori l’ colidôr, les egrés et l’ sålon
- Ele s’ a rmetou on pô do brun so les påpires
- Et do noer so les cis
- Dizeu ses ouys di noejhe
- Ses noers tchiveas sont cwefés al såvadje.
- Blanc ticheur et bleu djine ; elle est bele.
- I pout vni, si ristchåfeu.
- Si ome årè les resses.
Role da Jean-Claude Servais candjî
Jean-Claude Servais djowe li role d' on vî ome ki s' va reschandi å solea, cwans l' bontins rarive.
- Å pretins,
- Li boulvård florit di blankès tiesses
- Ki shuvèt li coûsse do solo.
Corwaitaedje do walon candjî
beas vîs mots candjî
noûmots candjî
francijhas candjî
croejhete candjî
Sourdants & pî-notes candjî
- ↑ Joël Thiry, divins Li Rantoele l° 48, ivier 2008-2009).