Coleccion do Bourdon

Li coleccion do Bourdon, c' est ene coleccion d' lives e walon k' a stî enondêye påzès Edicions do Bourdon e 1994.

imådjete do Bourdon

Les lives ni sont nén limerotés. Gn a did tot : des schôtlêyes di tecses, des ramexhnêyes di portraits, des sovnances, des schorseyes d' arimés, des pinsêyes, evnd.

Tos les scrijheus sont do Coûtchant walon (bråmint do costé d' Tchålerwè, sacwants del Lovire).

Pacô, on-z a rcwerou des tecses ancyins ki n' avént nén rexhou : tchansons da François Loriaux, "Fåve do Baron d' Fleuru" (volêye 5) da Henri Pétrez, "Tiesses pelêyes" et "Do tcherbon dins les flates" da Émile Lempereur, "les arnagas" da Henri Van Cutsem, "Djonnesse a målvåt" da Willy Bal.

U ene schôtlêye di tecses k' avént parexhou di håre et d' hote (metans da René Painblanc u Robert Mayence).

Des ôtes côps, c' est des noveas scrijhaedjes, mins di rlomés scrijheus (Jean-Luc Fauconnier, Danielle Trempont, Dominique Heymans).

Sacwants côps, li coleccion a-st eplaidî des noveas scrijheus (Joseph Bodson, Roger Foulon, Louis Marcelle, Amanda Dechamps).

Gn a yeu disk' a 4 rexhowes par an (sovint po les fiesses del Walonreye, e moes d' setimbe).

A costé des desséns, gn a tofer on dessineu, sovint diferént, po-z enimådjî l' live.

Li coleccion a yeu bråmint des subzides do CLRE.

Il ont on limero ISBN dispu 2003.

Sacwants lives del coleccion

• "Come dijheut m' grand-pere" da Robert Arcq, (1994).
• "Warum Krieg ?" da Willy Bal (1996).
• Tiesses pelêyes da Émile Lempereur (1997).
• "Les biestreyes da Miyin do Coulot da Jean-Luc Fauconnier (1998).
• "Tchantans Françwès" (live di tchansons)
• Årvey, todi (Robert Arcq)
• Do tcherbon dins les flates da E. Lempereur (1999).
• Djonnesse a målvåt da Willy Bal (2001).
• Ene miye di mi da Danielle Trempont (2001).
• Nos arnagas da Henri Van Cutsem (2002).
• Onk do coron do Bu da Louis Marcelle (2002).
• Li moirt do Blanc Matî da Joseph Bodson (2003)
• Eve et Adam da Roger Foulon (2003).
• Pluctaedje da Robert Mayence (2003).
• Dierinne aroke da Amanda Dechamps (2003).
• Des trôs sol bele da Dominique Heymans (2004).
• Miytaedje da Emile Lempereur (2004).
• Les hameas distindous da René Painblanc (2004).
• Semdi da Jean-Luc Fauconnier (2004).
• Dilé l' fontinne da Louis Marcelle (2009)