Dominique Heymans

(e 2017)

Dominique Heymans a skepyî e 1958. C' est on scrijheu e walipicård (payis del Lovire).

I scrît tot notant l' accint del Botinne (u d' Gotgnî).

Il a stî eplaidî tot djonne dins l' Moxhon d' Ônea (1982).

Ouve pol walon

I toitche des arimés foirt modierniveus et sorreyalisses. Ene ramexhnêye avou l' tite "Des trôs sol bele" a stî eplaidêye e 2004.

Mins Dominique Heymans est eto on fel sicrijheu d' noveles. Il a rascodou on pris del novele e picård a Sint-Kintin e 1996 (li walon del Lovire est a l' aschate do walon et do picård di Gôgnire).

Dominique Heymans e eto stî on djouweu d' roles, on scrijheu d' tchanson et on tchanteu e walon.

Il a eplaidî li rvuwe "Tapans ene divize" di 1993 a 2001.

Il moussî e l' SLLW dedja e 1995 et å CLRE e 1997.

Prezidint des Scrijheus do Cinte dispu 2016.

E 1917, i wangne li Pris del kiminålté Walonreye-Brussele di powezeye, «Plouves»

Ses idêyes sol rifondaedje

I fourit eto prezidint del tåvlotêye rifondaedje di l' UCW di 1994 a 2000, et scrijha on ptit årtike sol rifondaedje dins li l° 1 del rivuwe Li Rantoele. Mins i n' a måy bouté tecnicmint sol rifondou walon.

Mins i disfinda tofer li droet des rfondeus a espliker leu-z avuzion et leu sistinme di scrijhaedje (dabôrd k' il aconcoistéve des djins nén come çoula, metans emey les SLLW-îs).

Hårdêyes difoûtrinnes

• Si pådje so l' Aberteke
• Si pådje sol waibe di l' SLLW
• Li Wiccionaire si rsieve di sacwantès fråzes da Dominique Heymans po-z enimådjî des mots k' i gn a.