El Moxhon d' Ônea (gazete)

gazete e walon do Payis d’ El Lovire, askepieye e 1912
(Redjiblé di Scrijheus do Cinte)

El’ Mouchon d’Aunias / Èl Mouchon d’Aunia

Pol discramiaedje des årtikes avou l' mot « moxhon d' ônea », loukîz cial.
coviete di djanvî 2004 mostrant Floribert Deprêtre

El moxhon d' ônea (ki s' escrît, el mwaisse modêye, Èl Mouchon d’Aunia, asteure, et davance El’ Mouchon d’Aunias), c' est ene rivuwe e walon askepieye al Lovire e 1912 pa Floribert Deprêtre, Léopold Dupuis, Charles Malissart et Hubert Outlet.

Li no provént di ciste alomåcion tipike la do sizet al Lovire (moxhon d' ônea, mouchon d'aunia).

Motlî candjî

Cwand i parexhe, on dit k' i «xhufele» (come li Vî Sprewe, dabôrd k' el Bourdon «zûne»).

Li contnou d' ene gazete, c' est les «xhuflêyes» (chuflèyes).

Les scrijheus si lomnut les Moxhoneus (Mouchoneus).

Istwere candjî

Å cmince, l' idêye, c' esteut do mostrer a sacwants intelos ki djåzént l' walon k' on pout scrire e walon et trover des lijheus assez po cmincî ene gazete, pu ene rivuwe ki vudive tos les troes moes.

2004, il s' a-st adjondou å Bourdon, tot wårdant s' tite. Mins dabôrd, tot vudant tos les moes.

Mins e 2012, po s' cintnaire, il a rataké lu tot seu, et wårder li frecwince di 10 lineros l' an.

A cmincî do limero 1/2016, li ratacaedje est fwait pa Dominique Heymans.

Hårdêye difoûtrinne candjî