Zonigne d' olyinnes

On zonigne d' olyinnes (rabaxhanmint, ene tourniketreye), c' est ene ene plaece la k' gn a sacwantès olyinnes metowes ene dilé l' ôte, et moennêyes eshonne po produre do corant electrike.

tourniketreye metowe so ene cresse e l' Andalouzeye

Po moenner evoye li corant disk' a ene cintråle, on fwait de nouzomès trintchêyes.

Eplaeçmints po les tourniketreyes

Ene tourniketreye ni pout esse metowe en alaedje ki la k' gn a del grande air tote l' anêye, come sol boird del mer u so les cresses. On ndè pout mete eto dins des plins, e plinne mer, et minmes ezès veyes

Diswalpaedje des tourniketreyes

Ene tourniketreye prodût del todi-poujhåve enerdjeye.

Ene tourniketreye, c' est on pordjet ki pout åjheymint rascode des subsides MDP avou l' metaedje so pîs do Protocole di Kyoto.

construjhaedje d' ene tournikete Enercon E-70 nén lon d' Magdeburg, e l' Almagne

E 2004, les tourniketreyes eployént 1500 djins el Beldjike, et 20.000 e Daenmåtche (chifes). E 2005, gn aveut 29 tourniketes el Walonreye ki produjhént 40 megawates. On-z a les pinses d' aveur 200 megawates e 2010.

Gn a purade des tourniketreyes el Flande, dins l' mer.

El Walonreye, a on metou moumint fwait pår frisket po-z enonder des pordjets di tourniketreyes (so les cresses di l' Årdene), paski les djins sont wårdiveus pol payizaedje.

El Neyerlande, end a eto å mitan des tchamps.

Sacwantès tourniketreyes del Walonreye

dedja tournant

• Tiyet : 6 tourniketes; li corant va po Bastogne.
• Perwé : 4 tourniketes, pol veye.

e pordjet

• pordjet di Mtet : bråmint des rujhes po les djins esse d' acoird.
• pordjet d' Estene (dilé Mont), po loumer 30.000 måjhons.
• pordjet d' Bive : e Pont Mack.

Ehalaedje po l' evironmint

Les tourniketreyes disnortèt les tchawe-soris.

Ça n' disrindje nén les voyaedjants oujheas.

Ça n' fwait waire di brut.

Tant k' al laideur pol payizaedje, c' est tchaeconk ki l' sint diferinnmint.

Alére

• Mady d' Orcîmont, "Les olyinnes du Bive", Li Rantoele l° 52, ivier 2009-2010.