Ene marionete (on dit eto : ene popene, ene popinete di bwès, on beteyem[1]), c' est des bokets d' bwès taeyîs a môde di djins (popes) et d' biesses, k' on fwait coscheure avou des fis k' i sont agritchîs après, et rprezinter ene sinne come å teyåte.

Tchårlumagne (a droete) eyet Tchantchès (hintche), deus des pus rlomêyès marionetes di Lidje
Pol discramiaedje des årtikes avou l' mot « marionete », loukîz cial.

Po des linwincieusès racsegnes sol mot "marionete", alez s' vey sol Wiccionaire

Les marionetes di Lidje candjî

Istwere candjî

Onk des prumîs a-z aveur emantchî on teyåte di marionetes, a Lidje fourit on lomé Kontî (Con'tî). Il esteut assoçné a on Francès k' aveut s' djîsse a Lîdje, sipoté li xhalé Talbot.

Li prumî teyåte esteut al Poite Grumzele, a Djudla-Mouze.

Cåzu e minme tins, deus ôtes barakes ås plopinetes di bwès fourît amontés: li Teyåte Marchand e li Ptite Bexhe, eyet li teyåte Payî sol Plaece d' Ôtêye.

Sacwants persounaedjes del marionetes di Lidje candjî

Sacwants tites di pîces candjî

  • Li dzarteu
  • Djenvire di Braibant
  • Li traite Non Djwin (Dom Juan)
  • Les cwate fis Raimond (Les cwate fis Aimon)

Lingaedje des popinetes do Lidje candjî

Å cmince, c' esteut do francès del Walonreye, mins sacwants persounaedjes djåzént walon. Metans Djuda, dins l' djeu del passion. U Nanesse dins bråmint des pîces.

Alére candjî

Marcel Slangen : Les Marionetes di Lidje, divins Cotcorico, 4 2007.

Les betiyems di Mont candjî

A Mont, on lzès lome "beteyems", paski c' est sovint on noyé walon ki les djouweus d' popinetes djouwèt aprume.

Sourdants candjî

  1. Patrick Lemur, emission Radio Quartz, 9 di måss 2008